Stock Market: முகூர்த்த நேரம் என்றால் என்ன? ஒரு சுவாரசிய வரலாறு!

by -113 views

ஹைலைட்ஸ்:

  • பங்குச் சந்தை முகூர்த்த டிரேடிங்
  • சுவாரஸிய தகவல்கள்

இன்று இந்தியா முழுவதும் தீபாவளி பண்டிகை கொண்டாடப்படுகிறது. தீபாவளி என்பது கொண்டாட்டங்கள் மிகுந்த பண்டிகையாக மட்டுமல்லாமல் வர்த்தகர்களுக்கு முக்கியமான தினமாகவும் திகழ்கிறது. பாரம்பரியமாக இந்திய வியாபாரிகள் பழைய கணக்கு புத்தகத்தை மூடிவிட்டு இந்நாளில் புதிய புத்தகத்துடன் கணக்கு ஆண்டை தொடங்குவார்கள்.

தீபாவளி நாளில் ஒரு மணி நேரம் மட்டும் அதிஷ்டம் தரும் காலமாக கருதப்படுகிறது. இந்த ஒரு மணி நேரம் முகூர்த்த நேரம் எனப்படுகிறது. இந்த முகூர்த்த நேரத்தில் வர்த்தகம் செய்யும்போது அதிக லாபம் கிடைக்கும் என்பது நம்பிக்கை.

1957ஆம் ஆண்டு முதல் மும்பை பங்குச் சந்தை தீபாவளி நாளில் சிறப்பு முகூர்த்த வர்த்தகத்தை நடத்தி வருகிறது. தீபாவளி பண்டிகையன்று பங்குச் சந்தைகளுக்கு விடுமுறை விடுக்கப்பட்டாலும், முகூர்த்த நேரத்தில் மட்டும் பங்குச் சந்தைகளும், கமாடிட்டி சந்தைகளும் இயங்கும்.

தாறுமாறான லாபத்தில் எஸ்பிஐ.. ஷேர் விலை ஏற்றம்!
வழக்கமாக மாலை நேரத்தில் இந்த முகூர்த்த நேரம் வரும். முகூர்த்த வர்த்தகத்துக்கு முன் நல்ல லாபம் பெற வேண்டுமென வணிகர்களும், முதலீட்டாளர்களும், அவர்களது குடும்பங்களும் லட்சுமி மற்றும் விநாயகருக்கு பூஜை செய்வது வழக்கம்.

ஒவ்வொரு ஆண்டும் முகூர்த்த நாளில் பல வர்த்தகர்கள் பங்குகளை வாங்குவதால் முகூர்த்த வர்த்தகம் முடிவில் பங்குச் சந்தை உயர்ந்திருக்கும். தீபாவளிக்கு முன் பல்வேறு நிறுவனங்கள் காலாண்டு வருமான விவரங்களை வெளியிடுவதும் இதற்கு ஒரு முக்கிய காரணம்.

Leave a Reply

Your email address will not be published. Required fields are marked *