PF பேலன்ஸ் பார்ப்பது எப்படி? 4 ஈசியான வழிகள்!

by -48 views
PF பேலன்ஸ் பார்ப்பது எப்படி? 4 ஈசியான வழிகள்!
PF பேலன்ஸ் பார்ப்பது எப்படி? 4 ஈசியான வழிகள்!

ஹைலைட்ஸ்:

  • பிஎஃப் பேலன்ஸ் பார்ப்பது எப்படி?
  • ஈசியான நான்கு வழிகள்

தொழிலாளர் வருங்கால வைப்புநிதி நிறுனம் (EPFO) பிராவிடண்ட் ஃபண்ட் (PF), பென்சன் உள்ளிட்ட பல்வேறு சமூகப் பாதுகாப்புத் திட்டங்களை வழங்கி வருகிறது. EPFO நிறுவனத்தை இந்திய அரசு நிர்வகித்து வருகிறது.

முன்பெல்லாம், ஒரு ஊழியர் தனது PF கணக்கில் உள்ள பேலன்ஸ் தொகையை பார்க்க வேண்டுமெனில், தான் வேலை செய்யும் நிறுவனம் ஒவ்வொரு நிதியாண்டின் இறுதியிலும் EPF அறிக்கை வெளியிடும்போதுதான் தெரிந்துகொள்ள முடியும்.

எனினும், தற்போதெல்லாம் ஈசியாக சில நிமிடங்களிலேயே PF பேலன்ஸ் பார்ப்பதற்கான வசதிகள் வந்துவிட்டன. உங்கள் மொபைலிலேயே எளிதாக PF பேலன்ஸ் பார்க்க முடியும். PF பேலன்ஸ் பார்க்க நான்கு ஈசியான வழிகளைப் பற்றி பார்க்கலாம்.

டைனர்ஸ் கிளப் மீதான தடை நீக்கம்.. ரிசர்வ் வங்கி அறிவிப்பு!
SMS

எஸ்.எம்.எஸ். வாயிலாக PF பேலன்ஸ் பார்ப்பதற்கு EPFOHO UAN ENG என்ற வடிவில் UAN என்ற இடத்தில் உங்கள் UAN நம்பரை வைத்து 7738299899 என்ற நம்பருக்கு எஸ்.எம்.எஸ். அனுப்பலாம். இதிலேயே உங்களுக்கு தமிழில் பதில் கிடைக்க வேண்டுமெனில் EPFOHO UAN TAM என்ற வடிவில் எஸ்.எம்.எஸ். அனுப்பலாம்.

மிஸ்டு கால்

உங்களது UAN எண்ணுடன் ஆதார் கார்டு இணைக்கப்பட்டிருந்தால், 011-22901406 என்ற எண்ணுக்கு மிஸ்டு கால் கொடுத்தால் போதும். எஸ்.எம்.எஸ். வாயிலாக உங்களுக்கு PF பேலன்ஸ் வந்துவிடும்.

உமாங் ஆப்

உங்கள் மொபைலில் உமாங் ஆப் (UMANG APP) இன்ஸ்டால் செய்து அதில் உடனடியாக PF பேலன்ஸ் பார்த்துவிடலாம். உமாங் ஆப்பில் உள்ள ’employee centric services’ பிரிவில் ‘view passbook’ என்ற ஆப்ஷனை கிளிக் செய்து அதில் PF பேலன்ஸ் பார்க்கலாம்.

இணையதளம்

EPFO இணையதளத்திலும் PF பேலன்ஸ் பார்க்கலாம். epfindia.gov.in இணையதளத்தில் உள்ள ‘Click Here to Know your EPF Balance’ ஆப்ஷனை கிளிக் செய்து, அதில் ‘Member Balance Information’ பிரிவை கிளிக் செய்து PF பேலன்ஸ் பார்க்கலாம்.

Leave a Reply

Your email address will not be published. Required fields are marked *