PF எச்சரிக்கை… உடனே இந்த வேலையை முடிங்க!

by -18 views

மத்திய தொழிலாளர் வருங்கால வைப்பு நிதி அமைப்பு தனது வாடிக்கையாளர்களுக்கு முக்கியமான அறிவிப்பு ஒன்றை வெளியிட்டுள்ளது. பிஎஃப் அமைப்பு தனது வாடிக்கையாளர்களுக்கு பல்வேறு சேவைகளை ஆன்லைன் மூலமாக வழங்குகிறது. அதில் மிக முக்கியமான ஒன்று இ-நாமினேசன். இதை பிஎஃப் சந்தாதார்கள் அனைவரும் முடித்தாக வேண்டும். குடும்ப பென்சன் பெறுவது போன்ற விஷயங்களில் இந்த இ-நாமினேசன் பிராசஸ் முக்கியப் பங்கு வகிக்கிறது.

இந்த இ-நாமினேசன் பிராசஸை உடனடியாக முடிக்க வேண்டும் என்று தனது சந்தாதார்களுக்கு பிஎஃப் அமைப்பு உத்தரவிட்டுள்ளது. இது ஈசியான வேலைதான். ஆன்லைன் மூலமாகவே இதைச் செய்ய முடியும். பிஎஃப் சந்தாதாரர் ஒவ்வொருவரும் தனக்கு ஒரு நாமினியைத் தேர்ந்தெடுக்க வேண்டும். அப்போதுதான் பிஎஃப் சந்தாதாரர் மரணத்துக்குப் பிறகு பிஎஃப் தொகை மற்றும் இதர சலுகைகள் அந்த நாமினிக்குக் கிடைக்கும். சென்ற மாதமே இதுகுறித்த அறிவிப்பை பிஎஃப் அமைப்பு வெளியிட்டிருந்தது. ட்விட்டர் பதிவிலும் இதுகுறித்து தற்போது அறிவுறுத்தியுள்ளது.

PF: உங்களுக்கே தெரியாத 6 முக்கிய சேவைகள்!

பிஎஃப் சந்தாதாரர் திடீரென இறந்துவிட்டால் அவருக்கான பேமிலி பென்சன் தொகையும் காப்பீட்டுத் தொகையும் அவரது குடும்பத்துக்குக் கிடைக்கும். இதில் ரூ.7 லட்சம் வரையில் காப்பீடு கிடைக்கிறது. இதற்கு முன்னர் பிஎஃப் காப்பீட்டுத் தொகை ரூ.2.5 லட்சமாக இருந்தது. அது பின்னர் ரூ.7 லட்சமாக உயர்த்தப்பட்டது. பிஎஃப் வெப்சைட்டில் உள்ள For employees என்ற பிரிவின் கீழ் இ-நாமினேசன் பிராசஸை முடிக்கலாம்.

Leave a Reply

Your email address will not be published. Required fields are marked *