PF அக்கவுண்ட் வைத்திருப்போருக்கு நிம்மதி.. விஷயம் தெரியுமா உங்களுக்கு?

by -26 views

ஹைலைட்ஸ்:

  • PF – ஆதார் இணைப்பு கடைசி தேதி நீட்டிப்பு
  • டெல்லி உயர் நீதிமன்றம் உத்தரவு

PF கணக்கு வைத்திருப்போர் தங்களது PF கணக்குடன் (UAN Number) ஆதார் எண்ணை கட்டாயமாக இணைக்க வேண்டுமென அரசு தெரிவித்தது. இதற்கு செப்டம்பர் 1ஆம் தேதி கடைசி தேதி எனவும் காலக்கெடு நிர்ணயிக்கப்பட்டது.

PF கணக்குடன் ஆதார் கார்டு இணைக்காதவர்களுக்கு, அவர்கள் வேலை செய்யும் நிறுவனம் செலுத்தும் தொகை PF கணக்குக்கு வந்து சேராது என தெரிவிக்கப்பட்டது. இந்நிலையில், இந்த அறிவிப்புக்கு எதிராக டெல்லி உயர் நீதிமன்றத்தில் மனுத்தாக்கல் செய்யப்பட்டது.

இந்நிலையில், PF கணக்கு – ஆதார் இணைப்புக்கான கடைசி தேதியை நவம்பர் 30ஆம் தேதி வரை நீட்டித்து டெல்லி உயர் நீதிமன்றம் உத்தரவிட்டுள்ளது. இதுவரை ஆதார் – PF கணக்கை இணைக்காதவர்கள், இரண்டையும் இணைக்க நவம்பர் 30ஆம் தேதி வரை கால அவகாசம் அளிக்கப்பட்டுள்ளது.

ஜிஎஸ்டி விதிகள் மாற்றம்.. இனி இது கட்டாயம்!
இதுமட்டுமல்லாமல், நவம்பர் 30ஆம் தேதி வரை நிறுவனங்கள் தங்களது ஊழியர்கள் PF – ஆதார் இணைக்காமல் இருந்தாலும் தொடர்ந்து பணத்தை செலுத்தலாம் என டெல்லி உயர் நீதிமன்ற உத்தரவில் தெரிவித்துள்ளது.

மேலும், இந்த இடைப்பட்ட காலத்தில் PF – ஆதார் கார்டு இணைக்காத ஊழியர்கள் மீது கடுமையான அல்லது வலுக்கட்டாயமான நடவடிக்கைகள் எடுக்கப்படக்கூடாது எனவும் டெல்லி உயர் நீதிமன்றம் தெளிவாக தெரிவித்துள்ளது.

Leave a Reply

Your email address will not be published. Required fields are marked *