Nykaa IPO: 80% பிரீமியம்.. லாபம் அள்ளித்தந்த நைகா!

by -53 views
Nykaa IPO: 80% பிரீமியம்.. லாபம் அள்ளித்தந்த நைகா!
Nykaa IPO: 80% பிரீமியம்.. லாபம் அள்ளித்தந்த நைகா!

ஹைலைட்ஸ்:

  • லிஸ்ட்டிங்கில் 80% பிரீமியம்
  • அதிரடி காட்டிய நைகா

நைகா ஐபிஓ அக்டோபர் 28ஆம் தேதி தொடங்கி நவம்பர் 1ஆம் தேதி முடிந்தது. அண்மையில் தொடங்கிய ஐபிஓக்களிலேயே நைகா மீது அதீத எதிர்பார்ப்புகள் இருந்தது. ஏனெனில், விற்பனை, லாபம் என நைகாவின் அடிப்படைகள் அனைத்தும் அட்டகாசம்.

ஐபிஓவில் ஒரு பங்கு விலை 1,125 ரூபாய் என விற்பனை செய்யப்பட்டது. இந்நிலையில், இன்று நைகா பங்கு பங்குச் சந்தையில் பட்டியலிடப்பட்டுள்ளது. மும்பைப் பங்குச் சந்தையில் ஒரு பங்கு விலை 2001 ரூபாய் என பட்டியலிடப்பட்டது. தேசிய பங்குச் சந்தையில் ஒரு பங்கு 2018 ரூபாய் என பட்டியலிடப்பட்டது.

ஓப்பனிங்கிலேயே 79% பிரீமியம் கொடுத்துள்ளது நைகா பங்கு. மேலும், நைகா நிறுவனத்தின் மார்க்கெட் கேப் ஒரு லட்சம் கோடி ரூபாயை தாண்டிவிட்டதாகவும் தகவல்கள் வெளியாகியுள்ளன. பிரிட்டானியா, கோத்ரேஜ், இண்டிகோ போன்ற ஜாம்பவான்களின் மார்க்கெட் கேப்புடன் நைகா ஒப்பிடப்படுகிறது.

தங்கத்தை பணமாக்கும் திட்டம்… வீட்டிலிருந்தே சம்பாதிக்கலாம்!
மூன்று நாட்களில் நைகா ஐபிஓ 81.78 மடங்கு சப்ஸ்கிரைப் செய்யப்பட்டது. முதலீட்டாளர்கள் மத்தியில் நைகா ஐபிஓவுக்கு வெகுவான வரவேற்பும் கிடைத்தது. ஸ்டார்ட் அப் நிறுவனமாக தொடங்கப்பட்ட நைகா, அழகுசாதனப் பொருட்கள் மற்றும் ஃபேஷன் பொருட்களை விற்பனை செய்து வருகிறது.

இன்றளவில் பியூட்டி பொருட்கள் மற்றும் ஃபேஷன் பொருட்கள் துறையில் நைகா முக்கிய இடத்தைப் பிடித்துள்ளது. வாடிக்கையாளர்களை ஈர்ப்பதும், தக்கவைத்துக்கொள்வதும் நைகாவின் சிறப்பு அம்சங்களாக பார்க்கப்படுகிறது.

Leave a Reply

Your email address will not be published. Required fields are marked *