Mutual Funds: அதிக லாபம் அள்ளிக்கொடுத்த டாப் 5 திட்டங்கள்!

by -29 views

ஹைலைட்ஸ்:

  • அதிக ரிஸ்க், அதிக லாபம்
  • லாபத்தை வாரி வழங்கிய மியூச்சுவல் ஃபண்ட் திட்டங்கள்

மியூச்சுவல் ஃபண்ட் திட்டங்கள் மீதான ஈர்ப்பு அண்மை ஆண்டுகளில் அதிகரித்துள்ளது. குறிப்பாக இளம் முதலீட்டாளர்கள் மியூச்சுவல் ஃபண்ட் திட்டங்களை நோக்கி படையெடுக்கின்றனர். மியூச்சுவல் ஃபண்ட் திட்டங்கள் தொடர்ந்து நல்ல வருமானம் தந்து வருகின்றன.

குறிப்பாக, மியூச்சுவல் ஃபண்ட் திட்டங்களில் நீண்ட கால அடிப்படையில் முதலீடு செய்தால் கணிசமான லாபம் கிடைக்கும். எனினும், ஏராளமான மியூச்சுவல் ஃபண்ட் திட்டங்கள் இருப்பதால் எதில் முதலீடு செய்வது என்ற சந்தேகம் எழுவது இயல்பு. எனவே, சிறப்பாக செயல்பட்டு வரும் டாப் 5 மியூச்சுவல் ஃபண்ட் திட்டங்களைப் பற்றி பார்க்கலாம்.

IDFC Infrastructure Fund

இத்திட்டம் 2011ஆம் ஆண்டு மார்ச் 8ஆம் தேதி தொடங்கப்பட்டது. இதுவொரு அதிக ரிஸ்க் கொண்ட திட்டம். எக்விட்டி மற்றும் எக்விட்டி சார்ந்த கருவிகளில் இத்திட்டம் முதலீடு செய்கிறது. இதன் மொத்த சொத்து மதிப்பு சுமார் 650 கோடி ரூபாய். இத்திட்டம் தொடங்கியது முதல் 8.6% லாபம் கொடுத்துள்ளது.

கம்முனு இருக்கும் தங்கத்தில் கும்முனு வருமானம்.. சூப்பரா சம்பாதிக்கலாம்!
L&T Emerging Businesses Fund

எக்விட்டி மற்றும் எக்விட்டி சார்ந்த கருவிகளில் முதலீடு செய்யும் இந்தத் திட்டம் பெரும்பாலும் வளர்ந்து வரும் நிறுவனங்களில் (ஸ்மால் கேப் பங்குகள்) முதலீடு செய்கிறது. இதுபோக வெளிநாட்டு செக்யூரிட்டிகளிலும் முதலீடு செய்கிறது. இத்திட்டத்தின் நிரக சொத்து மதிப்பு 7594 கோடி ரூபாய். இத்திட்டம் தொடங்கியது முதல் 21.6% லாபம் கொடுத்துள்ளது.

DSP BlackRock Natural Resources and New Energy Fund

இத்திட்டம் இயற்கை வளங்கள், மின்சாரம், சுரங்கத் துறை, புதுப்பிக்கத்தக்க ஆற்றல் உள்ளிட பல்வேறு துறை சார்ந்த பங்குகளில் முதலீடு செய்கிறது. 2008ஆம் ஆண்டு ஏப்ரல் 25ஆம் தேதி தொடங்கப்பட்ட இத்திட்டத்தின் நிகர சொத்து மதிப்பு 735 கோடி ரூபாய். இத்திட்டம் தொடங்கியது முதல் 13.6% லாபம் கொடுத்துள்ளது.

Franklin Build India Fund

உள்கட்டமைப்பு துறை சார்ந்து நேரடியாகவோ, மறைமுகமாகவோ செயல்படும் நிறுவனங்களின் பங்குகளில் முதலீடு செய்யும் இத்திட்டம் 2009ஆம் ஆண்டு செப்டம்பர் 4ஆம் தேதி தொடங்கப்பட்டது. இதன் நிகர சொத்து மதிப்பு 1,123 கோடி ரூபாய். இத்திட்டம் தொடங்கியது முதல் 16.8% லாபம் கொடுத்துள்ளது.

Aditya Birla Sun Life Small Cap Fund

ஸ்மால் கேப் மற்றும் மிட் கேப் பங்குகளில் முதலீடு செய்யும் இத்திட்டம் 2007 மே 31ஆம் தேதி தொடங்கப்பட்டது. இத்திட்டத்தின் நிகர சொத்து மதிப்பு 3005 கோடி ரூபாய். இத்திட்டம் தொடங்கியது முதல் 12.6% லாபம் கொடுத்துள்ளது.

Leave a Reply

Your email address will not be published. Required fields are marked *