IPO Alert: பேடிஎம் ஐபிஓ.. கவனிக்க வேண்டிய முக்கிய விஷயங்கள்!

by -262 views

ஹைலைட்ஸ்:

  • பேடிஎம் ஐபிஓ தொடக்க தேதி
  • கவனிக்க வேண்டிய தகவல்கள்

டிஜிட்டல் பரிவர்த்தனைத் தளமான பேடிஎம் (Paytm) நிறுவனத்தின் தலைமை நிறுவனமான ஒன்97 கம்யூனிகேஷன்ஸ் (One97 Communications) ஐபிஓ வரும் நவம்பர் 8ஆம் தேதி தொடங்குகிறது. பணப் பரிவர்த்தனை நிதி சார்ந்த டிஜிட்டல் சேவைகளை பேடிஎம் நிறுவனம் வழங்கி வருகிறது.

நவம்பர் 8ஆம் தேதி தொடங்கும் ஐபிஓ நவம்பர் 10ஆம் தேதி முடிவடைகிறது. ஒரு பங்கின் விலை 2,080 முதல் 2,150 ரூபாய் என நிர்ணயிக்கப்பட்டுள்ளது. ஒரு லாட்டுக்கு குறைந்தபட்சம் ஆறு பங்குகள். அதாவது, ஒரு பங்கின் விலை 2150 ரூபாய் என வைத்துக்கொண்டாலும் ஒரு லாட் மதிப்பு 12,900 ரூபாய்.

ரீட்டெய்ல் முதலீட்டாளர்கள் 15 லாட் வரை விண்ணப்பிக்கலாம். ஐபிஓ இறுதி ஒதுக்கீடு நவம்பர் 15ஆம் தேதி நடைபெறும் என எதிர்பார்க்கப்படுகிறது. நவம்பர் 17ஆம் தேதிக்குள் டீமாட் அக்கவுண்டுகளுக்கு பங்குகள் செலுத்தப்படும் என எதிர்பார்க்கப்படுகிறது.

தீபாவளி ஷாப்பிங்.. ரூ. 1.25 லட்சம் கோடிக்கு வியாபாரம்.. வணிகர்களுக்கு சர்பிரைஸ்!
பங்குச் சந்தையில் லிஸ்டிங் தேதி இன்னும் அறிவிக்கப்படவில்லை. ஐபிஓ மூலம் 18,300 கோடி ரூபாய் திரட்டுவதற்கு பேடிஎம் திட்டமிட்டுள்ளது. இதில் 8,300 கோடி ரூபாய் மதிப்புள்ள புதிய பங்குகளும், Offer for sale மூலம் 10,000 கோடி ரூபாய் மதிப்புள்ள பங்குகளும் விற்பனைக்கு வருகின்றன.

சைஸ் அடிப்படையில் இதுதான் மிகப்பெரிய ஐபிஓ என்பதும் குறிப்பிடத்தக்கது. இதற்கு முன் பொதுத்துறை நிறுவனமான கோல் இந்தியா 2010ஆம் ஆண்டில் ஐபிஓ மூலம் 15200 கோடி ரூபாய் திரட்டியது. பேடிஎம் நிறுவனம் பரிவர்த்தனை சேவைகள், வர்த்தகம் மற்றும் கிளவுட் சேவைகளையும் வழங்கி வருகிறது.

கடந்த ஜூன் மாத நிலவரப்படி பேடிஎம் நிறுவனம் 33.7 கோடி வாடிக்கையாளர்களுக்கும், 2.2 கோடி வியாபாரிகளுக்கும் இச்சேவைகளை வழங்கி வந்துள்ளது.

Leave a Reply

Your email address will not be published. Required fields are marked *