Gold rate: நம்பினால் நம்புங்கள்… மிகப் பெரிய விலைச் சரிவு!

by -132 views

தங்கம் வாங்க நினைப்பவர்கள் அதை வாங்கவே வேண்டாம் என்று யோசிக்கும் அளவுக்கு சென்னையில் தங்கம் விலை தொடர்ந்து உயர்த்தப்பட்டு வருகிறது. இதனால் நகை வாங்குவோர் பெரும் சிரமத்துக்கு உள்ளாகியுள்ளனர். இன்று காலையிலும் தங்கம் விலை 40 ரூபாய் வரையில் உயர்த்தப்பட்டிருந்தது. இந்நிலையில் மகிழ்ச்சி தரும் விதமாக, தங்கம் விலை மாலையில் குறைக்கப்பட்டுள்ளது.

சென்னையில் இன்று (செப்டம்பர் 27) காலையில் ஒரு கிராம் (22 கேரட்) ஆபரணத் தங்கத்தின் விலை ரூ.4,369 ஆக இருந்தது. மாலையில் அது ரூ.4,351 ஆகக் குறைந்துள்ளது. அதேபோல, இன்று காலையில் 34,952 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் மாலையில் 144 ரூபாய் குறைந்து 34,808 ரூபாய்க்கு விற்பனையாகிறது.

தங்கம் விலை: கண்ணீர் விட வைக்கும் விலையேற்றம்!

தூய தங்கத்தின் விலையும் தற்போது குறைக்கப்பட்டுள்ளது. இன்று காலை 4,733 ரூபாய்க்கு விற்பனை செய்யப்பட்ட ஒரு கிராம் தூய தங்கம் மாலையில் 4,715 ரூபாயாகக் குறைந்துள்ளது. அதேபோல, 37,864 ரூபாய்க்கு விற்பனை செய்யப்பட்ட 8 கிராம் தூய தங்கம் மாலையில் 144 ரூபாய் குறைந்து 37,720 ரூபாய்க்கு விற்பனையாகிறது.

வெள்ளி விலையும் குறைந்துள்ளது. சென்னையில் ஒரு கிராம் வெள்ளி விலை இன்று காலை ரூ.64.70 ஆக இருந்தது. மாலையில் அது ரூ.64.40 ஆகக் குறைந்துள்ளது. ஒரு கிலோ வெள்ளி 64,400 ரூபாய்க்கு விற்பனை செய்யப்படுகிறது.

Leave a Reply

Your email address will not be published. Required fields are marked *