Fastag இருக்கா? ஆன்லைனில் ரீசார்ஜ் செய்வது எப்படி?

by -26 views

இந்திய தேசிய நெடுஞ்சாலைகளில் உள்ள சுங்கச் சாவடிகளில் வாகனங்கள் வரிசையில் காத்துக் கிடப்பது பிரச்சினையாக இருந்து வந்தது. சுங்கக் கட்டணம் செலுத்துவதில் தாமதம், சில்லறை வழங்குவதில் சிக்கல் உள்ளிட்ட பல்வேறு பிரச்சினைகளால் வாகனங்கள் நீண்ட வரிசையில் மணிக் கணக்கில் காத்துக்கிடக்க வேண்டியிருந்தது. இப்பிரச்சினைக்குத் தீர்வுகாணும் வகையில் ஃபாஸ்டாக் கட்டண முறை அமலுக்கு வந்தது. இதன் மூலம் சுங்கக் கட்டணத்தை டிஜிட்டல் முறையில் செலுத்தலாம் என்பதால் சுங்கச் சாவடிகளில் நெரிசல் குறைந்துள்ளது.

பிப்ரவரி 15ஆம் தேதி முதல் ஃபாஸ்டாக் கட்டண முறை அமலுக்கு வந்துள்ளது. ஆனால் இன்னமும் பல வாகனங்கள் ஃபாஸ்டாக் முறைக்கு மாறாமல் உள்ளன. அதேபோல, ஃபாஸ்டாக் எடுத்தவர்களும் அதை ரீசார்ஜ் செய்யாமலும், பயன்படுத்தாமலும் விடுகின்றனர். இதனால் சுங்கச் சாவடிகளில் பிரச்சினைகளைச் சந்திக்க நேரிடுகிறது. ஃபாஸ்டாக்கில் ரீசார்ஜ் செய்வது ஈசியான காரியம்தான். ஸ்மார்ட்போனில் உள்ள போன் பே உள்ளிட்ட மொபைல் ஆப்களிலேயே நீங்கள் ரீசார்ஜ் செய்ய முடியும். அது எப்படி என்று எங்கே பார்க்கலாம்.

>> முதலில் நீங்கள் PhonePe ஆப் ஓப்பன் செய்ய வேண்டும். இந்த ஆப் உங்களிடம் இல்லாவிட்டால் பிளே ஸ்டோர் அல்லது ஆப்பிள் ஸ்டோர் தளத்தில் டவுன்லோடு செய்ய வேண்டும்.

>> ஆப் ஓப்பன் செய்தவுடன் முகப்பு பக்கத்தில் Recharge and Pay Bill என்ற ஆப்சன் இருக்கும்.

>> அதிலுள்ள ரீசார்ஜ் பிரிவில் Fastag recharge ஆப்சனை தேர்ந்தெடுக்க வேண்டும்.

>> இப்போது நீங்கள் FASTag எடுத்துள்ள வங்கியைத் தேர்ந்தெடுக்க வேண்டும்.

>> இதற்குப் பிறகு, நீங்கள் வங்கியின் பெயர் மற்றும் உங்கள் வாகனத்தின் வாகனப் பதிவு எண் ஆகியவற்றைப் பதிவிட வேண்டும்.

>> confirm பட்டனை கிளிக் செய்தவுடன் உங்களது ஃபாஸ்டாக் கணக்கு பற்றிய விவரங்களை நீங்கள் பார்க்கலாம். அதில் கணக்கு வைத்திருப்பவரின் பெயர் மற்றும் ஃபாஸ்டாக் பேலன்ஸ் குறித்த விவரம் இருக்கும்.

>> உங்களுடைய அக்கவுண்ட் நம்பர் மற்றும் பெயரை மீண்டும் சரிபார்த்த பின்னர், நீங்கள் ரீசார்ஜ் செய்ய விரும்பும் தொகையை உள்ளிட வேண்டும்.

>> வங்கிக் கணக்கு விவரத்தைத் தேர்ந்தெடுத்தவுடன் Pay Bill ஆப்சனை கிளிக் செய்ய வேண்டும். UPI PIN நம்பரைப் பதிவிட வேண்டியிருக்கும்.

>> ரீசார்ஜ் செய்யப்பட்டவுடன் உங்களுக்கு SMS வரும்.

Leave a Reply

Your email address will not be published. Required fields are marked *