Technology

Tech News

விதியை மீறி பயனாளர்களின் MAC முகவரிகளை சேகரித்த டிக் டாக்?!!

டிக் டாக் உள்ளிட்ட 350 செயலிகள் பயனாளர்களின் சாதனங்கள் சார்ந்த தனிப்பட்ட தகவல்களை சேகரித்ததாக தகவல்கள் வெளியாகியுள்ளன
டிக் டாக் மீது தொடர்ந்து பல குற்றச்சாட்டுகள் முன்வைக்கப்பட்ட நிலையில் இந்திய-சீன எல்லைப் பிரச்னைக்கு பிறகு டிக் டாக் உள்ளிட்ட பல செயலிகள் இந்தியாவில் தடை செய்யப்ப்பட்டன. டிக் டாக்கை அமெரிக்காவிலும் தடை செய்ய அந்நாட்டு அரசு முடிவெடுத்துள்ளதாக தெரிகிறது. இந்நிலையில் டிக் டாக் மீது மீண்டும் ஒரு குற்றச்சாட்டு எழுந்துள்ளது.

Wall Street Journal investigation வெளியிட்ட தகவலின்படி டிக் டாக் உள்ளிட்ட 50 செயலிகள் பயனாளர்களின் சாதனங்கள் சார்ந்த தனிப்பட்ட தகவல்களான MAC முகவரிகளை சேகரித்துள்ளதாக கூறப்பட்டுள்ளது. இது விதிக்கு எதிரானது என்றும், பயனாளர்களுக்கு விளம்பரங்களை காண்பிக்க தகவல்கள் சேகரிக்கப்பட்டதாக தெரிவிக்கப்பட்டுள்ளது.
2015ம் ஆண்டு விதிக்கப்பட்ட, iOS மற்றும் ஆண்ட்ராய்டு விதிப்படி பயனாளர்களின் MAC முகவரிகளை செயலிகள் சேகரிக்கக் கூடாது. ஆனால் டிக் டாக் உள்ளிட்ட 350 செயலிகள் விதிகளை மீறி கிட்டத்தட்ட 18 மாதங்கள் தகவல்களை சேகரித்துள்ளதாக தெரிவிக்கப்பட்டுள்ளது.
விதிகள் இருந்தாலும், குறுக்கு வழியில் இந்த வேலையை அந்த செயலிகள் செய்துள்ளதாக குற்றச்சாட்டு முன் வைக்கப்பட்டுள்ளது. அமெரிக்கா கொடுத்த அழுத்தம் காரணமாக இந்த தகவல் சேகரிப்பை, கடந்த நவம்பர் மாதம் டிக் டாக் நிறுத்தியதாகவும் தெரிவிக்கப்பட்டுள்ளது.
 

வீசாட் செயலி தடை எதிரொலியால் சீனாவில் ஐஃபோன் வியாபாரம் பாதிக்கப்படுமா?

வீசாட் செயலிக்கு அமெரிக்க அதிபர் டொனால்ட் ட்ரம்ப் விதித்துள்ள தடையால் சீனாவில் ஐஃபோன் விற்பனை பாதிக்கப்படும் நிலை எழுந்துள்ளது. 

100 கோடி அமெரிக்க டாலரை முதன்முறையாகத் தாண்டிய டிம் குக் சொத்து மதிப்பு

ஆப்பிள் நிறுவனத்தின் சந்தை மதிப்பு 1 ட்ரில்லியன் அமெரிக்க டாலரைத் தாண்டியதைத் தொடர்ந்து அந்நிறுவனத்தின் தலைமை செயல் அதிகாரி டிம் குக்கின் சொத்து மதிப்பு முதல் முறையாக 100 கோடி அமெரிக்க டாலரைத் தாண்டியுள்ளது. 

இன்ஸ்டாகிராம் ரீல்ஸில் வியூஸ்களை அள்ள ஹேக்கர்களை நாடும் பயனாளர்கள்?

டிக் டாக் செயலிக்கு மாற்றாக கடந்த 5 ஆம் தேதி இன்ஸ்டாகிராமின் புதிய ஷார்ட்  வீடியோ  ‘ரீல்ஸ்’ அறிமுகப்படுத்தப்பட்டது. இதன் மூலம் இன்ஸ்டாகிராம் பயனர்கள் சில நொடிகள் மட்டுமே ஓடக்கூடிய ஷார்ட் வீடியோக்களை உருவாக்கி அதை இன்ஸ்டாகிராமில் பகிரலாம்.

அப்படி பகிரப்படும் வீடியோக்களுக்கு அதிகளவிலான வியூஸ், ஷேர்ஸ் மட்டும் லைக்ஸ் கிடைத்தால் அந்த வீடியோவை அப்லோட் செய்கின்ற பயனருக்கு சன்மானம் கொடுக்கப்படும் எனவும் சொல்லப்பட்டது. 
இதனையடுத்து இணைய வாசிகள் பலரும் போட்டி போட்டு வீடியோக்களை ‘ரீல்ஸ்’ பிளாட்பார்மில் பகிர்ந்து வரும் சூழலில் சில பயனர்கள் அந்த வீடியோக்களை கொண்டு பணம் சம்பாதிக்கின்ற நோக்கில் போலியாக வியூஸ், ஷேர்ஸ் மற்றும் லைக்ஸை போலியாக உருவாக்க ஹேக்கர்களுக்கு பணம் கொடுத்து மோசடியில் ஈடுபடுவதாகவும் டெக்னலாஜி செய்திகளை வெளியிடும் பத்திரிகை ஒன்று தெரிவித்துள்ளது. அதே நேரத்தில் மக்களிடையே ரீல்ஸ் பிளாட்பார்மை பிராண்ட் செய்யவும் போலியான வியூஸ்கள் உருவாக்கப்படுவதாகவும் சொல்லப்படுகிறது.

இதற்காக பயனர்கள் பாட்நெட் மேனேஜர்களை தொடர்பு கொண்டு அவர்கள் மூலமாக ஒரு குறிப்பிட்ட வீடியோவுக்கு வியூஸ், ஷேர்ஸ் மற்றும் லைக்ஸ் கிடைக்க பணம் கொடுப்பதாகவும் தெரிவித்துள்ளது.
இந்த மோசடிகள் அனைத்தும் போலியான கணக்குகள் மூலமாக நடத்தப்படுவதாகவும் விவரித்துள்ளார் பாட்நெட் மேனேஜர் ஒருவர். 

‘போலி கணக்குகளை தொடர்ந்து முடக்குவதற்கான வேலைகளை செய்து வருவதாவும். இது எங்கள் நிறுவனத்தின் மீது சுமத்தப்படும் நம்பகத்தன்மையற்ற தகவல்’ எனவும் அறிக்கை வெளியிட்டுள்ளது இன்ஸ்ட்டாகிராமின் தாய் நிறுவனமான ஃபேஸ்புக். 

4 வெவ்வேறு கருவிகளில்  ஒரே வாட்ஸ் அப் கணக்கு: புதிய வசதி விரைவில் அறிமுகம்

வாட்ஸ் அப் பயனர்கள் தங்களின் ஒரே கணக்கை 4 வெவ்வேறு கருவிகளில் வைத்துக் கொள்ளும் வசதி விரைவில் அறிமுகப்படுத்தப்படவுள்ளது.

சூப்பர் கேமரா மற்றும் சிறப்பம்சங்களுடன் வருகிறது சியோமி எம்.ஐ 10 அல்ட்ரா

சீன நிறுவனமான சியோமி கடந்த மே மாதம் எம்.ஐ 10, 5ஜியை வெளியிட்டது. மேலும் இந்த வரிசையில் எம்.ஐ 10 அல்ட்ரா என்ற மாடலை ஆகஸ்ட் 11ஆம் தேதி சீனாவில் வெளியிட உள்ளது. இது விரைவில் உலகளவில் விற்பனைக்கு வரும் என எதிர்பார்க்கப்படுகிறது. சுதந்திர தின சிறப்பு சலுகையாக அமேசானில் சியோமி எம்.ஐ 5ஜி ரூ.42,999க்கு விற்பனைக்கு வர உள்ளது.
எம்.ஐ 10 வரிசை, சியோமியின் 10 வருட நினைவாக வெளியிடப்படுவதாக அதன் அதன் இணை நிறுவனர் லீ ஜுன் தெரிவித்துள்ளார். செராமிக்கால் ஆன இதன் வடிவமைப்பில், 8ஜிபி ரேம் மற்றும் 265ஜிபி ஸ்டோரேஜ் வசதி உள்ளது. இதில் 12ஜிபி ரேம் கொண்ட மற்றொரு வசதியும் வெளிவரவுள்ளது. மேலும் அதி மேம்படுத்தப்பட்ட 16ஜிபி ரேம் மற்றும் 512 ஜிபி ஸ்டோரேஜ் வசதியும் வரவிருக்கிறது.

சிறப்பம்சங்கள்
புதிதாக வெளியிடப்பட்ட எம்.ஐ 10 இல் AMOLED TrueColor வசதியுடன்கூடிய 6.67 இஞ்ச் டிஸ்ப்ளே உள்ளது. இதில் HDR10+, FHD+ resolution, DCI-P3 colors மற்றும் 1120nits என்ற மிக திரை வசதியையும் பயன்படுத்தமுடியும். ஏனெனில் இது மைக்ரோடாட் – நோட்ச் டிஸ்ப்ளே வடிவமைப்பைக் கொண்டுள்ளது. 5000000:1 என்ற மாறுபட்ட விகிதத்தில் காட்சிகளைக் காணமுடியும். இதற்கு முன்பு வந்த மாடல்களைவிட 25 சதவீதம் கூடுதல் வேகமுடையது. இந்த போனில் அதிக சூடாவதும் தடுக்கப்படுகிறது.
இதன் முக்கிய அம்சங்களில் ஒன்று கேமரா. பின்புறத்தில் மொத்தம் 4 கேமராக்கள் உள்ளன. 108 மெகா பிக்ஸலைக் கொண்டுள்ளது. சாம்சங்கில் பயன்படுத்தியுள்ள ஐசோசெல் ப்ரைட் எச்எம்எக்ஸ் சென்சாரே இதிலும் பயன்படுத்தப்பட்டுள்ளது. பின்புற கேமராவில் 13 மெகாபிக்ஸல் சென்சார் மற்றும் இரண்டு 2 மெகாபிக்ஸல் சென்சார்களும் உள்ளன.

முன்புறத்தில் 20 மெகாபிக்ஸல் சென்சார் கொண்ட கேமரா உள்ளது. இதில் புரோ வீடியோ ரெக்கார்டிங் முறை, நைட் மோடு, போட்ரேட் மோடு போன்ற பல வசதிகளும் உள்ளன.
எம்.ஐ 10இல் 5ஜி நெட், வைஃபை 6, ப்ளூடூத், 2 அதிர்வெண் ஜிபிஎஸ், ஹை – ரெஸ் ஆடியோ, என்எஃப்சி, ஐ.ஆர் ஆகியவையும் இதில் உள்ளன. 4,780எம்.ஏ.ஹெச் பேட்டரி உள்ளது. வயர்லெஸ் சார்ஜிங் வசதியும் உள்ளது.

100 பில்லியன் அமெரிக்க டாலர்களைத் தொட்ட ஸக்கர்பெர்க்கின் சொத்து மதிப்பு

ஃபேஸ்புக் நிறுவனர் மற்றும் தலைமைச் செயல் அதிகாரி மார்க் ஸக்கர்பெர்கின் சொத்து மதிப்பு 100 பில்லியன் அமெரிக்க டாலர்களைத் தொட்டுள்ளது.

பல செயலிகளைப் பிரதி எடுத்த ஃபேஸ்புக்: போட்டியா? பொறாமையா?

டிக் டாக் செயலிக்குப் போட்டியாக ஃபேஸ்புக் தரப்பு, இன்ஸ்டாகிராம் ரீல்ஸ் என்கிற சமூக வலைதளத்தை அறிமுகம் செய்துள்ளது. டிக் டாக் போலவே குறு காணொலிப் பதிவுகளுக்கான தளம் இது.

மழையை எவ்வாறு அளக்கிறார்கள்?

தென்மேற்குப் பருவமழை தொடங்கி கடந்த 2 மாதங்களாக நாடு முழுவதும் பெய்து கொண்டு இருக்கிறது.  செய்திகளில் கடந்த 24 மணி நேரத்தில் இங்கு 500 மில்லி மீட்டர் மழை அங்கு 300 மில்லி மீட்டர் மழை என்று கூறி கேட்டு இருப்போம். அவை எவ்வாறு அளவிடப்படுகிறது என்பது குறித்து காணலாம்.

வானிலை ஆராய்ச்சி மையங்களில் “Rain gauge” என்று கூறப்படும் மழை மானி கருவி இருக்கும். இதைப் பயன்படுத்தித்தான் மழையை அளந்து, ‘இத்தனை மி.மீ. மழை பெய்தது’ என்று சொல்கிறார்கள். ஒரு சதுர மீட்டருக்கு, 24 மணிநேர கால அளவில் எவ்வளவு மழை பொழிந்திருக்கிறது என்பதை அதன் மூலம் அறிவார்கள். அதை வைத்து ஒரு குறிப்பிட்ட பகுதியில் எவ்வளவு மழை பெய்தது என்று கணக்கிடுவார்கள்.
ஒரு மில்லி மீட்டர் மழை என்பது, ஒரு சதுர மீட்டருக்கு 1 லிட்டர் என்பதற்குச் சமம். எனவே, 10 மிமீ மழை என்று பதிவானால், அதை 10 லிட்டர் / சதுர மீட்டர் என்று எடுத்துகொள்ள வேண்டும். தற்போது பல வகையான தானியங்கி மழை மானிகள் சந்தையில் கிடைக்கின்றன. அது ஒவ்வொரு மணி நேரத்திற்கும் பதிவான மழை அளவை குறித்து தகவல் தந்துவிடும்.