6 மாதத்தில் முரட்டு லாபம்.. எகிறி அடித்த பங்கு!

by -60 views
6 மாதத்தில் முரட்டு லாபம்.. எகிறி அடித்த பங்கு!
6 மாதத்தில் முரட்டு லாபம்.. எகிறி அடித்த பங்கு!

ஹைலைட்ஸ்:

  • ஆறு மாதத்தில் 192% லாபம்
  • அசுரத்தனமாக ஏறிய பங்கு

பங்குச் சந்தையில் முதலீடு செய்து லாபம் ஈட்ட விரும்புவோர் நீண்டகால அடிப்படையில் முதலீடு செய்தால் நிச்சயம் நல்ல லாபம் சம்பாதிக்கலாம். அப்படி நீண்டகால அடிப்படையில் லாபத்தை அள்ளித்தந்த ஒரு பங்கை பற்றி இப்போது பார்க்கலாம்.

ஜென் டெக்னாலஜீஸ் (Zen Technologies) நிறுவனம் ட்ரோன்களை உற்பத்தி செய்து வருகிறது. பங்குச் சந்தையில் பட்டியலிடப்பட்டுள்ள ஒரேயொரு ட்ரோன் உற்பத்தி நிறுவனமும் இதுதான். இந்நிறுவனத்தின் பங்கு தொடர்ந்து உயர்ந்துகொண்டே வருகிறது.

இந்த பங்கு இன்னும் தொடர்ந்து உயரும் என நிபுணர்கள் கூறுகின்றனர். ஏனெனில், இந்நிறுவனத்தின் அடிப்படைகள் வலுவாக உள்ளன. அண்மையில் இந்நிறுவனம் சில பெரிய ஒப்பந்தங்களை ஏற்படுத்தியுள்ளது. பல்வேறு மியூச்சுவல் ஃபண்ட் திட்டங்களும் இந்த பங்கில் முதலீடு செய்துள்ளன.

அடேங்கப்பா 3000% லாபம்.. ஒரே பங்கில் ஓகோன்னு வருமானம்!
கடந்த செப்டம்பர் காலாண்டில் ஜென் டெக்னாலஜீஸ் நிறுவனத்தின் லாபம் 7.5% உயர்ந்துள்ளது. இந்நிறுவனம் 35 கோடி ரூபாய் மதிப்புள்ள ஏற்றுமதி ஆர்டரை அண்மையில் கைப்பற்றியுள்ளது. மத்திய அரசின் ட்ரோன் கொள்கையும் இந்த பங்குக்கு கூடுதல் வலு சேர்க்கிறது.

தற்போது ஜென் டெக்லானஜீஸ் பங்கு விலை 218 ரூபாயாக உள்ளது. கடந்த ஒரு ஆண்டில் மட்டும் இந்த பங்கின் விலை 80 ரூபாயில் இருந்து 218 ரூபாயாக உயர்ந்துள்ளது. அதாவது 138 ரூபாய் உயர்ந்துள்ளது. இது 171.40% உயர்வாகும்.

கடந்த ஆறு மாதங்களில் மட்டும் இந்த பங்கு 74 ரூபாயில் இருந்து 218 ரூபாயாக உயர்ந்துள்ளது இது 192% உயர்வாகும். கடந்த 5 ஆண்டுகளில் இந்த பங்கின் விலை 60 ரூபாயில் இருந்து 218 ரூபாயாக உயர்ந்துள்ளது. இது 263.37% உயர்வாகும்.

Leave a Reply

Your email address will not be published. Required fields are marked *