10,000 ரூபாய் பென்சன்! கணவன் – மனைவி இருவருக்கும் கிடைக்கும்!

by -44 views

நிறைய பென்சன் திட்டங்கள் பற்றி நீங்கள் கேள்விப்பட்டிருப்பீர்கள்! திருமணம் ஆன நபர்களுக்கு வாழ்க்கைத் துணைக்கும் சேர்த்து பென்சன் கிடைக்குமா? அப்படிப்பட்ட ஒரு திட்டம் உள்ளது. அதுதான் அடல் பென்சன் யோஜனா திட்டம்.

அடல் பென்சன் யோஜனா திட்டம் கணவன்-மனைவி இருவருக்கும் மாதாந்திர பென்சன் தரும் திட்டமாகும். இத்திட்டத்தின் கீழ் கணவனும் மனைவியும் சேர்ந்து ஒவ்வொரு மாதமும் 10,000 ரூபாய் ஓய்வூதியமாகப் பெறலாம். மத்திய மோடி அரசின் இத்திட்டம் ஒவ்வொரு மாதமும் ரூ.5000 வரை உத்தரவாதமான ஓய்வூதியத்தை வழங்குவது மட்டுமல்லாமல், உங்கள் குடும்ப உறுப்பினர்களும் இந்தத் திட்டத்திற்கு விண்ணப்பிக்க அனுமதிக்கிறது.

ஒரே குடும்பத்தைச் சேர்ந்த ஒன்றுக்கும் மேற்பட்ட உறுப்பினர்கள் இத்திட்டத்தில் விண்ணப்பிக்கலாம். இதில் விண்ணப்பிக்க குறைந்தபட்ச வயது 18 ஆண்டுகள். அதிலிருந்து 60 வயது வரை முதலீடு செய்ய வேண்டும். நீங்கள் இத்திட்டத்தில் இணையும் வயதைப் பொறுத்து உங்களது முதலீட்டுத் தொகை மாறுபடும். 60 வயது வரை மட்டுமே முதலீடு செய்ய முடியும்.

ஒரே பிரீமியம், வாழ் நாள் முழுவதும் பென்சன்!

ஒருவேளை நீங்கள் 18 வயதில் இணைந்தால் ஒவ்வொரு மாதமும் ரூ.210 முதலீடு செய்ய வேண்டும். அப்போது 60 வயதில் மாதம் 5000 ரூபாய் பென்சன் கிடைக்கும். ஒருவேளை நீங்கள் திருமணமானவராக இருந்தால், கணவன்-மனைவி இருவரும் 30 வயதில் முதலீடு செய்யத் தொடங்கினால், 60 வயதுக்குப் பிறகு உங்களுக்கு மாதம் ரூ.10,000 பென்சன் கிடைக்கும்.

30 வயதை எட்டிய வாழ்க்கை துணை இருவரும் அடல் பென்சன் திட்டத்தில் விண்ணப்பித்தால், அவர்கள் இருவரும் தனித்தனியாக மாதம் ரூ.577 செலுத்த வேண்டும். அதாவது ஒரு மாதத்தில் இருவரும் சேர்ந்து 1154 ரூபாய் செலுத்த வேண்டும். பின்னர் 60 வயதுக்கு மேல் இருவருக்கும் தலா ரூ.5000 என மொத்தம் ரூ.10,000 பென்சன் கிடைக்கும்.

பயனாளி ஒருவேளை இறந்துவிட்டால் அவரது வாழ்க்கைத் துணைக்கு பென்சன் கிடைக்கும். அவரும் இறந்துவிட்டால் நாமினிக்கு பணம் கிடைக்கும்.

Leave a Reply

Your email address will not be published. Required fields are marked *