100 நாள் வேலைத் திட்டம்: கூடுதல் நிதி ஒதுக்கீடு!

by -29 views

மகாத்மா காந்தி தேசிய ஊரக வேலைவாய்ப்பு உறுதித் திட்டம் அல்லது 100 நாள் வேலைத் திட்டம் என்பது, நாட்டிலுள்ள ஏழை எளிய மக்களுக்கு ஆண்டுக்கு குறைந்தது 100 நாட்கள் வேலை வழங்கும் உத்தரவாதத்தை வழங்குகிறது. இத்திட்டத்தின் கீழ் பொது வேலை செய்ய விருப்பமுள்ள கிராமப்புற வயது வந்தவர்களுக்கு, அரசின் குறைந்த ஊதியத்துடன் ஒரு நிதியாண்டில் 100 நாட்களுக்குக் கட்டாய சிறப்புத்திறன் இல்லாத உடலுழைப்பு சார்ந்த வேலைவாய்ப்பு வழங்கப்படுகிறது. கொரோனா வந்த பிறகு கிராமப்புறங்களில் இத்திட்டத்தில் இணைந்து வேலை செய்வோரின் எண்ணிக்கை அதிகரித்துள்ளது.

இந்தியாவில் கொரோனா பாதிப்பு நிலவிய இக்காலத்தில் நாட்டு மக்களுக்கு வேலையும் வாழ்வாதாரமும் பாதிக்கப்பட்ட சூழலில், 100 நாள் வேலைத் திட்டத்தை மத்திய அரசு சிறப்பாகச் செயல்படுத்தியது. 2020-21 நிதியாண்டுக்கான மத்திய பட்ஜெட்டில் 100 நாள் வேலைத் திட்டத்துக்கு ரூ.61,500 கோடி மட்டுமே ஒதுக்கப்பட்டிருந்தது. அதன் பின்னர் செலவு மதிப்பீடு ரூ.1,11,500 கோடியாக உயர்த்தப்பட்டது. நடப்பு நிதியாண்டில் இதுவரை 222 கோடிக்கும் அதிகமான பணியாளர் தினங்கள் உருவாக்கப்பட்டுள்ளதாகவும், நடப்பு நிதியாண்டில் மொத்தம் 6 கோடிக்கும் அதிகமான குடும்பங்களுக்கு வேலை கிடைத்துள்ளதாகவும் மத்திய அரசு தெரிவித்துள்ளது.

வெறும் 29 ரூபாய் போதும்! ரூ.4 லட்சம் சம்பாதிக்கலாம்! பெண்களுக்கான சூப்பர் திட்டம்!
இதுகுறித்து ஊரக வளர்ச்சி அமைச்சகம் வெளியிட்டுள்ள அறிக்கையில், 100 நாள் வேலைத் திட்டத்தில் பணியாற்றும் ஊழியர்களின் மொத்த வேலைத் தேவையில் 99.63 சதவீதம் பேருக்கு வேலைவாய்ப்பு வழங்கப்பட்டுள்ளது என்றும், வேலை கிடைத்தவர்களில் சுமார் 87.35 சதவீதம் பயனாளிகள் தங்களது விருப்பத்துடன் வேலைக்கு வந்துள்ளதாகவும் தெரிவிக்கப்பட்டுள்ளது. பட்ஜெட் மதிப்பீட்டின்படி, சென்ற நிதியாண்டை விட நடப்பு நிதியாண்டுக்கான நிதி ஒதுக்கீடு 18 சதவீதம் அதிகமாக உள்ளது.

இந்த ஆண்டில் மாநிலங்கள் மற்றும் யூனியன் பிரதேசங்களில் இத்திட்டத்தைச் செயல்படுத்துவதற்காக இதுவரை ரூ.63,793 கோடிக்கும் அதிகமான நிதி வெளியிடப்பட்டுள்ளது. மேலும் ரூ.8,921 கோடி நிதி கையிருப்பில் உள்ளது. இதன் மூலம் தற்போதைய தேவையை பூர்த்தி செய்ய முடியும் என்று அரசு தரப்பில் கூறப்பட்டுள்ளது. சென்ற நிதியாண்டில், பட்ஜெட் மதிப்பீட்டை விட கூடுதலாக ரூ.50,000 கோடி நிதியை இத்திட்டத்திற்கு நிதியமைச்சகம் ஒதுக்கியது குறிப்பிடத்தக்கது.

Leave a Reply

Your email address will not be published. Required fields are marked *