ஸ்டார்ட் அப் தொடங்க நிதி ரெடி பண்ணுவது எப்படி?

by -32 views

ஹைலைட்ஸ்:

  • ஸ்டார்ட் அப் தொடங்க நிதி
  • எப்படியெல்லாம் நிடி திரட்டலாம்?

ஸ்டார்ட் அப் நிறுவனம் தொடங்க வேண்டுமென பலருக்கும் ஆர்வம் உண்டு. ஸ்டார்ட் அப் நிறுவனம் தொடங்க என்ன வேண்டும்? முதலில் தொழிலுக்கான ஐடியா வேண்டும். இரண்டாவது, அதை செயல்படுத்துவதற்கான நிதி வேண்டும். மூன்றாவதாக, திறம்பட நிறுவனத்தை நடத்த திறமையான குழு வேண்டும்.

ஸ்டார்ட் அப் தொடங்க ஐடியா இருந்தாலும் அதற்கான நிதியை திரட்டுவதுதான் மிகக் கடினம். ஸ்டார்ட் அப் தொழில் தொடங்க எப்படியெல்லாம் நிதி திரட்டலாம்?

1. சொந்த பணம்

இது எல்லாருக்கும் பொருந்தாவிட்டாலும், சொந்த நிதி இருப்பவர்கள் ஈசியாக ஸ்டார்ட் அப் நிறுவனம் தொடங்கலாம். உங்களது சேமிப்பு அல்லது குடும்பத்தின் உதவியுடன் ஸ்டார்ட் அப் தொடங்கலாம்.

2. கிரவுட் ஃபண்டிங்

கிரவுட் ஃபண்டிங் என்பது பலரிடம் நிதியை திரட்டி முதலீடு செய்வது. ஒரு ஸ்டார்ட் அப் நிறுவனத்தை தொடங்க விரும்புபவர் தனது ஐடியாவை விவரித்து அதற்கான செயல்திட்டங்களை முன்வைக்க வேண்டும். அதில் விருப்பம் இருப்பவர்கள் கிரவுட் ஃபண்டிங் மூலம் முதலீடு செய்வார்கள்.

சிறு சேமிப்புத் திட்டங்களுக்கு எவ்வளவு வட்டி? முழு விவரம்!
3. ஏஞ்சல் முதலீடு

ஏஞ்சல் முதலீட்டாளர்கள் என்பவர்கள் நிறைய பணத்தை வைத்துக்கொண்டு, நல்ல ஸ்டார்ட் அப் நிறுவனங்களில் முதலீடு செய்ய வேண்டுமென காத்துக் கிடப்பவர்கள். இவர்கள் நிதி மட்டுமல்லாமல் தொழிலை திறமையாக நடத்த ஆலோசனையும், வழிகாட்டுதலும் வழங்குவார்கள். கூகுள், யாகூ, அலிபாபா என இன்று பெரு நிறுவனங்களாக இருப்பவர்கள் ஒரு காலத்தில் ஏஞ்சல் முதலீட்டாளர்கள் வாயிலாக கால்தடம் பதித்தவர்கள்தான்.

4. வென்ச்சர் கேபிடல்

வென்ச்சர் கேபிடல் என்பது தொழில்களில் முதலீடு செய்யும் நிதியங்கள். இவர்களும் ஸ்டார்ட் அப் நிறுவனங்களுக்கு ஆலோசனையும், வழிகாட்டுதலும் வழங்குகின்றனர்.

5. போட்டிகள்

ஸ்டார்ட் அப் ஐடியா உள்ளவர்களுக்கென தனி போட்டிகள் நடத்தப்படுகின்றன. இதில் நல்ல ஐடியா உள்ளவர்களுக்கு பரிசும், முதலீட்டுக்கான நிதியும் கிடைக்கும். அதை வைத்து ஸ்டார்ட் அப் தொடங்கலாம்.

Leave a Reply

Your email address will not be published. Required fields are marked *