வெள்ளியில் முதலீடு செய்வது எப்படி? சிறு முதலீட்டாளர்களும் சம்பாதிக்கலாம்!

by -55 views
வெள்ளியில் முதலீடு செய்வது எப்படி? சிறு முதலீட்டாளர்களும் சம்பாதிக்கலாம்!
வெள்ளியில் முதலீடு செய்வது எப்படி? சிறு முதலீட்டாளர்களும் சம்பாதிக்கலாம்!

ஹைலைட்ஸ்:

  • வெள்ளியில் முதலீடு செய்வது எப்படி?
  • சிறு முதலீட்டாளர்களும் லாபம் சம்பாதிக்கலாம்

சர்வதேச அளவில் வெள்ளி உற்பத்தி செய்யும் நாடுகளில் இந்தியா முன்னிலை வகிக்கிறது. இந்தியர்கள் பாரம்பரியமாகவே தங்கம், வெள்ளி போன்றவற்றில் முதலீடு செய்து வந்துள்ளனர். இன்னும் தங்கம், வெள்ளி போன்ற மதிப்புமிக்க உலோகங்களுக்கான மிகப்பெரிய சந்தையாகவே இந்தியா திகழ்கிறது.

சாதாரண சிறு முதலீட்டாளர்களும் வெள்ளியில் முதலீடு செய்து லாபம் பெறுவது எப்படி? கிராமப்புற, நகர்ப்புற முதலீட்டாளர்கள் என அனைவருமே வெள்ளியில் முதலீடு செய்யலாம்.

சிறு முதலீட்டாளர்கள், அதாவது சிறு தொகையில் முதலீடு செய்ய விரும்புவோர் வெள்ளி நாணயங்களை வாங்கலாம். இதுபோக, PhonePe போன்ற மொபைல் ஆப்கள் மூலமாகவும் ஆன்லைன் வாயிலாக வெள்ளி நாணயங்களை வாங்கலாம்.

Gold ETF: தங்க நிதி என்றால் என்ன? இப்படியும் முதலீடு செய்யலாம்!
பெரிய முதலீட்டாளர்களை பொறுத்தவரை வெள்ளிக் கட்டிகளை வாங்கலாம். வெள்ளிக் கட்டிகளுக்கு மார்க்கெட்டில் டிமாண்ட் அதிகம் என்பதால் பிற்காலத்தில் விற்றுக்கொள்ளலாம்.

ஆன்லைன் சரக்குச் சந்தையிலும் (Commodity Market) வெள்ளியில் முதலீடு செய்யலாம். வழக்கமான வெள்ளியை விட இதில் முதலீடு கொஞ்சம் அதிகம். நிஜ வெள்ளியின் விலையும், சரக்குச் சந்தையில் உள்ள விலையில் வெவ்வேறாக இருக்கும். எனவே, விலையை தொடர்ந்து சரியாக கண்காணித்து லாபம் ஈட்டலாம்.

நேரடியாக வெள்ளி வாங்கும்போது நம்பகத்தன்மை கொண்ட நிறுவனங்களிடம் இருந்து வாங்க வேண்டும். வெள்ளி நாணயங்களை வங்கியில் இருந்தே வாங்க முடியும். வெள்ளிக் கட்டிகளை பொறுத்தவரை நகை வியாபாரிகளிடம் வாங்க வேண்டும். தூய்மையை பரிசோதிக்க வேண்டியது கட்டாயம்.

வெள்ளியில் நீண்டகால அடிப்படையில் முதலீடு செய்வது நல்லது. எனினும், விலை திடீரென உயரும்போது லாபம் ஈட்ட வேண்டுமென விரும்பினால் விற்றுக்கொள்ளலாம்.

சர்வதேச சந்தைகளில் ஏற்படும் மாற்றம் இந்தியாவில் வெள்ளி விலையை பாதிக்கும். எனவே, சர்வதேச சந்தைகளை தொடர்ந்து கண்காணிக்க வேண்டியது அவசியம். சர்வதேச சந்தைகளின் நகர்வுக்கு ஏற்ப உங்கள் முதலீட்டை திட்டமிடலாம்.

Leave a Reply

Your email address will not be published. Required fields are marked *