வீடு வாங்குவோருக்கு அடித்த ஜாக்பாட்.. வரிசைகட்டும் சலுகைகள்!

by -30 views

ஹைலைட்ஸ்:

  • வீடு வாங்குவோருக்கு நல்ல காலம்
  • எக்கச்சக்கமான சலுகைகள்

பண்டிகைக்காலம் கிட்டத்தட்ட நெருங்கிவிட்ட நிலையில், வீடு வாங்கத் திட்டமிட்டிருப்போரை குறித்து வங்கிகளும், ரியல் எஸ்டேட் நிறுவனங்களும் பல்வேறு சலுகைகளை அறிவித்து வருகின்றன. அதுவும், கடந்த 10 ஆண்டுகளில் இல்லாத அளவுக்கு வீட்டுக் கடன்களுக்கான வட்டி குறைக்கப்பட்டுள்ளது.

பண்டிகை சீசனை முன்னிட்டு எஸ்பிஐ, பேங்க் ஆஃப் பரோடா, கொடாக் மகிந்த்ரா, பஞ்சாப் நேஷனல் பேங்க் ஆகிய வங்கிகளும், எச்டிஎஃப்சி போன்ற நிதி நிறுவனங்களும் வீட்டுக் கடன்களுக்கான வட்டி விகிதங்களை குறைத்து அறிவிப்பு வெளியிட்டன.

இவ்வங்கிகள் வீட்டுக் கடன்களுக்கு சுமார் 6.5% முதல் 6.7% வரை வட்டி விகிதம் நிர்ணயித்துள்ளன. இது கடந்த பத்து ஆண்டுகளில் இல்லாத அளவுக்கு குறைந்த வட்டி விகிதங்களாகும்.

எலெக்ட்ரிக் வாகனம் வாங்குவோருக்கு சர்பிரைஸ்.. மாநில அரசின் சூப்பர் அறிவிப்பு!
வங்கிகள் வழங்கும் சலுகைகள் ஒருபுறம் இருக்க, ரியல் எஸ்டேட் நிறுவனங்களும், பில்டர்களும் பல்வேறு சலுகைகள், தள்ளுபடி மற்றும் பரிசுகளை வழங்கி வாடிக்கையாளர்களை ஈர்க்க முயற்சித்து வருகின்றன.

இதுமட்டுமல்லாமல், புதிய வீடுகளுக்கு தேவைப்படும் பொருட்கள், வீட்டு உபயோக சாதனங்கள், எலெக்ட்ரானிக்ஸ் உள்ளிட்ட பல்வேறு பொருட்களுக்கு வழக்கம் போல பண்டிகைக்கால சலுகைகள் வழங்கப்படுவதாக அறிவிப்புகள் வெளியாகி வருகின்றன.

பண்டிகை சீசன் தொடங்கியுள்ளதாலும், வங்கிகள் வழங்கும் சலுகைகள் மற்றும் ரியல் எஸ்டேட் நிறுவனங்கள் வழங்கும் சலுகைகளாலும் அடுத்த சில மாதங்களுக்கு வீடு விற்பனை எகிறும் என நிபுணர்கள் எதிர்பார்க்கின்றனர்.

Leave a Reply

Your email address will not be published. Required fields are marked *