வீடு கட்ட நல்ல வாய்ப்பு… நகை இருந்தாலே போதும்!

by -82 views
வீடு கட்ட நல்ல வாய்ப்பு… நகை இருந்தாலே போதும்!
வீடு கட்ட நல்ல வாய்ப்பு… நகை இருந்தாலே போதும்!

நிறையப் பேருக்கு சொந்தமாக ஒரு வீடு இல்லையே என்ற கவலை இருக்கும். உண்மையில் அவர்கள் கவலைப்படத் தேவையில்லை. ஏனெனில் வீடு கட்டுவதற்கு வங்கிகள் சிறப்புக் கடன்களை வழங்குகின்றன. வீடு கட்டுவதற்கு வங்கிகள் தரும் கடன் தொகை போதாது என்று நினைப்பவர்களுக்கு மற்றுமொரு வாய்ப்பு உள்ளது. அப்படிப்பட்ட ஒரு திட்டத்தை இந்தியாவின் மிகப் பெரிய பொதுத்துறை வங்கியான ஸ்டேட் பேங்க் ஆஃப் இந்தியா (SBI) அறிவித்துள்ளது.

இத்திட்டத்தின் சிறப்பம்சம் என்னவென்றால் வாடிக்கையாளர்கள் தங்களிடம் உள்ள தங்க நகைகளை வைத்து வீட்டுக் கடன் வாங்கலாம். வீட்டுக் கடன் வாங்குபவர்களுக்கு நிதி ரீதியாக ஏற்படும் பற்றாக்குறையைச் சமாளிக்க இந்த ரியல்டி தங்கக் கடன் திட்டம் (SBI Realty Gold Loan) உதவியாக இருக்கும் என்று ஸ்டேட் பேங்க் ஆஃப் இந்தியா தெரிவித்துள்ளது. இதுகுறித்து தனது ட்விட்டர் பக்கத்திலும் செய்தி வெளியிட்டுள்ளது.

மாதம் 10,000 ரூபாய் பென்சன் வாங்கலாம்! LIC பாலிசி!
இத்திட்டத்தின் கீழ் நீங்கள் குறைந்தபட்சம் ரூ.50,000 முதல் அதிகபட்சம் ரூ.50 லட்சம் வரையில் கடன் பெறலாம். இதற்கான வட்டி விகிதம் 7 சதவீதமாகும். 2021 டிசம்பர் 31ஆம் தேதி வரையில் இது அமலில் இருக்கும். அதைத் தாண்டி வட்டி விகிதம் மாற்றப்படலாம். செயல்பாட்டுக் கட்டணம் 0.50 சதவீதம் ஆகும். அதனுடன் ஜிஎஸ்டி பிடிக்கப்படும். 18 வயது நிரம்பியவர்கள் இத்திட்டத்தின் கீழ் கடன் பெறலாம். ஸ்டேட் பேங்க் ஆஃப் இந்தியா வங்கியில் வீட்டுக் கடன் பெறுபவர்கள் இந்த வாய்ப்பைப் பயன்படுத்திக் கொள்ளலாம்.

Leave a Reply

Your email address will not be published. Required fields are marked *