வீடு கட்ட நல்ல வாய்ப்பு… குறைந்த வட்டியில் கடன்!

by -27 views

பண்டிகை சீசன் வந்துவிட்டதால் வங்கிகள் ஒவ்வொன்றாக தங்களது வாடிக்கையாளர்களுக்கு சிறப்புச் சலுகைகளை அறிவித்து வருகின்றன. குறைந்த வட்டியில் வீட்டுக் கடன், வாகனக் கடன், நகைக் கடன் போன்ற அறிவிப்புகளோடு செயல்பாட்டுக் கட்டணம் ரத்து உள்ளிட்ட சலுகைகளும் அறிவிக்கப்படுகின்றன. அந்த வரிசையில், இந்தியாவின் முன்னணி தனியார் துறை வங்கிகளில் ஒன்றான யெஸ் பேங்க், பண்டிகைக்கால சிறப்புச் சலுகையை அறிவித்துள்ளது. வீட்டுக் கடன்களுக்கான வட்டி விகிதம் 6.7 சதவீதம் வரையில் குறைக்கப்பட்டுள்ளது.

யெஸ் வங்கியைப் பொறுத்தவரையில் வீட்டுக் கடன்களுக்கான வட்டி விகிதம் 8.95 சதவீதம் முதல் 11.80 சதவீதம் வரையில் இருக்கிறது. சம்பளம் பெறும் பெண்கள் இந்த வங்கியில் வீட்டுக் கடன் வாங்கினால் அவர்களுக்கு 6.65 சதவீதத்தில் கடன் கிடைக்கும். மேலும் இவர்களுக்கு 35 ஆண்டுகளுக்கு குறைந்த ஈஎம்ஐ சலுகையும் வழங்கப்படும். இந்த சிறப்புக் கடன் சலுகை 90 நாட்களுக்கு மட்டுமே.

வீட்டுக் கடன் வட்டி குறைப்பு.. ஹேப்பி நியூஸ்!
சென்ற செப்டம்பர் மாதத்திலேயே பல்வேறு வங்கிகள் வீட்டுக் கடன் சலுகைகளை அறிவித்திருந்தன. ஐசிஐசிஐ வங்கியில் 6.70 சதவீத வட்டியில் கடன் கிடைக்கும் எனவும், செயல்பாட்டுக் கட்டணங்களில் சலுகை கிடைக்கு ம் எனவும் அறிவிக்கப்பட்டிருந்தது. அதேபோல, இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியாவிலும் 6.70 சதவீத வட்டியில் வீட்டுக் கடன் சலுகை அறிவிக்கப்பட்டிருந்தது. ரூ.75 லட்சத்துக்கு மேல் கடன் வாங்கினால் 7.15 சதவீத வட்டி செலுத்த வேண்டியிருக்கும்.

பஞ்சாப் நேஷனல் வங்கியில் 6.60 சதவீத வட்டியும், கோடாக் மகிந்திரா வங்கியில் 6.50 சதவீத வட்டியும், ஹெச்டிஎஃப்சி வங்கியில் 6.70 சதவீத வட்டியும் அறிவிக்கப்பட்டிருந்தது குறிப்பிடத்தக்கது.

Leave a Reply

Your email address will not be published. Required fields are marked *