வீடு கட்ட நல்ல நேரம்… குறைந்த வட்டியில் கடன்!

by -26 views

பண்டிகை சீசன் வந்துவிட்டதால் வங்கிகள் தங்களது வாடிக்கையாளர்களுக்கு சிறப்புச் சலுகைகளை அறிவிக்கத் தொடங்கிவிட்டன. வீட்டுக் கடன், வாகனக் கடன் உள்ளிட்ட பல்வேறு கடன்களுக்கான வட்டி விகிதம் குறைக்கப்படுவதோடு, செயல்பாட்டுக் கட்டணத்தை ரத்து செய்வது போன்ற அறிவிப்புகளும் பண்டிகை சீசனில் வெளியாகுவது வழக்கம். அந்த வகையில், இந்தியாவின் முன்னணி வங்கிகள் தங்களது வாடிக்கையாளர்களுக்குத் தற்போது சிறப்புச் சலுகைகளை அறிவித்துள்ளன. சென்ற ஆண்டை விட இந்த ஆண்டில் அதிக வாடிக்கையாளர்களை ஈர்க்க வேண்டும் என வங்கிகள் திட்டமிட்டுள்ளன.

இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியா, சமீபத்தில் தனது வீட்டுக் கடன் வட்டி விகிதத்தை 6.7 சதவீதமாகக் குறைத்தது. வாடிக்கையாளர்களின் கிரெடிட் ஸ்கோரைப் பொறுத்து இந்த வட்டி விகிதம் நிர்ணயிக்கப்படுகிறது. ஸ்டேட் பேங்க் ஆஃப் இந்தியா வங்கியைத் தொடர்ந்து பேங்க் ஆஃப் பரோடா வங்கியும் வட்டிக் குறைப்பை அறிவித்திருந்தது. இவ்வங்கி வீட்டுக் கடனுக்கான வட்டி விகிதத்தை 6.75 சதவீதமாகக் குறைத்துள்ளது. இதற்கு முன்னர் 7 சதவீத வட்டி நடைமுறையில் இருந்தது.

வீட்டுக் கடன், கார் கடன் வட்டி குறைப்பு.. வாடிக்கையாளர்களுக்கு ஹேப்பி நியூஸ்!
வீட்டுக் கடன் வட்டிக் குறைப்பு மட்டுமல்லாமல் கார் லோன் போன்றவற்றுக்கான செயல்பாட்டுக் கட்டணங்களையும் இவ்வங்கி ரத்து செய்திருந்தது. பஞ்சாப் நேஷனல் பேங்க், கோடாக் மகிந்திரா பேங்க் உள்ளிட்ட வங்கிகளும் ஒன்றன் பின் ஒன்றாக, பண்டிகை சீசனை முன்னிட்டு வீட்டுக் கடன் வட்டி விகிதங்களைக் குறைத்துள்ளன. கடைசியாக, இந்தியாவின் மிகப் பெரிய தனியார் துறை வங்கியான ஹெச்டிஎஃப்சி பேங்க் வீட்டுக் கடன் வட்டி விகிதத்தை 6.7 சதவீதமாகக் குறைத்தது. இது செப்டம்பர் 20ஆம் தேதி முதல் அமலுக்கு வந்துள்ளது. 800க்கு மேல் கிரெடிட் ஸ்கோர் வைத்துள்ள வாடிக்கையாளர்களுக்கு மட்டுமே இச்சலுகை கிடைக்கும் என்று அறிவிக்கப்பட்டுள்ளது.

Leave a Reply

Your email address will not be published. Required fields are marked *