வீடுகள் விலை உயர்வு… சர்வதேசப் பட்டியலில் இந்தியா முன்னேற்றம்!

by -30 views

அனைவருக்குமே சொந்தமாக ஒரு வீடு இருக்க வேண்டும் என்பது பெரிய கனவாக இருக்கும். சொந்தமாக வீடு இல்லாவிட்டால் வாடகை என்ற பெயரில் ஒவ்வொரு மாதமும் ஒரு பெரிய தொகையை இழக்க வேண்டியிருக்கும். வீடு கட்டுவது என்பது இப்போது மிகவும் கடினமான ஒன்றுதான். கட்டுமானப் பொருட்களின் விலையும் கட்டுமானச் செலவுகளும், கூலியும் அதிகரித்துவிட்டன. கட்டி முடிக்கப்பட்ட வீடுகளை வாங்கும் கடினமாகவே உள்ளது. இந்திய ரியல் எஸ்டேட் துறை சமீக காலமாகவே நெருக்கடியான சூழலில் இருக்கிறது. வீடுகளின் விலையும் உயர்ந்துகொண்டே செல்கிறது.

வீடுகளின் விலை உயர்வு தொடர்பான சர்வதேசப் பட்டியலை நைட் ஃபிராங்க் நிறுவனம் வெளியிட்டுள்ளது. இப்பட்டியலில் இந்தியா உள்ளிட்ட 55 நாடுகள் இடம்பெற்றுள்ளன. இந்தியாவுக்கு 54ஆவது இடம் கிடைத்துள்ளது. சர்வதேச அளவில், ஜூன் மாதம் வரையிலான ஒரு ஆண்டில் மட்டும் வீடுகளின் விலை 9.2 சதவீதம் வரையில் உயர்ந்துள்ளது. வளர்ச்சியடைந்த 10 பெரிய நாடுகளில் மட்டும் 12 சதவீத வளர்ச்சி ஏற்பட்டுள்ளது. 29.2 சதவீத சராசரி விலை உயர்வுடன் துருக்கி பட்டியலில் முதலிடத்தில் இருக்கிறது.

வீடு விற்பனையில் முன்னேற்றம்… ஆய்வில் நம்பிக்கை!
துருக்கியைத் தொடர்ந்து நியூசிலாந்து (25.9%), அமெரிக்கா (18.6%), ஆஸ்திரேலியா (16.4%), கனடா (16%), ரஷ்யா (14.4%) ஆகிய நாடுகள் உள்ளன. மொத்தம் 18 நாடுகள் இந்த ஆண்டில் இரட்டை இலக்க விலை உயர்வைச் சந்தித்துள்ளன. இந்தியாவைப் பொறுத்தவரையில், இந்த ஆண்டில் வீடுகளின் விலையில் சரிவு ஏற்பட்டுள்ளது. கொரோனா பாதிப்பைத் தொடர்ந்து வீடுகளின் விலை கணிசமாகக் குறைந்துள்ளது. இந்தியா 0.5 சதவீத பின்தங்கிய வளர்ச்சியைப் பதிவுசெய்துள்ளது. இதன் மூலம் சர்வதேசப் பட்டியலில் 54ஆவது இடத்தில் இருக்கிறது. கடைசி இடத்தில் ஸ்பெயின் உள்ளது.

Leave a Reply

Your email address will not be published. Required fields are marked *