வருமான வரி: 49 லட்சம் பேருக்கு பணம் வந்தாச்சு!

by -24 views

சென்ற ஆண்டில் இந்தியாவில் ஏற்பட்ட கொரோனா பாதிப்பைத் தொடர்ந்து நாட்டு மக்களுக்கு நிதி நெருக்கடி ஏற்பட்டு வாழ்வாதாரம் பாதிக்கப்பட்டது. இதையடுத்து பல்வேறு சலுகை அறிவிப்புகளை மத்திய அரசு வெளியிட்டது. பொருளாதாரச் சலுகைகள் அறிவிக்கப்பட்டதோடு, வங்கிக் கடன் செலுத்துவது, வரி செலுத்துவது போன்றவற்றுக்கான கால அவகாசமும் நீட்டிக்கப்பட்டது. இதுமட்டுமல்லாமல், வருமான வரி செலுத்தியோருக்குத் திரும்பி வரவேண்டிய ரீஃபண்ட் தொகையையும் வருமான வரித் துறை வேகமாக விரைந்து வருகிறது.

அதன்படி, இந்த ஆண்டின் ஏப்ரல் 1ஆம் தேதி முதல் செப்டம்பர் 27ஆம் தேதி வரையில் மொத்தம் 49.16 லட்சம் பேருக்கு ரீஃபண்ட் தொகையாக ரூ.80,086 கோடியை வழங்கியுள்ளதாக மத்திய நேரடி வரிகள் வாரியம் தெரிவித்துள்ளது. மொத்தமாக வழங்கப்பட்டுள்ள ரீஃபண்ட் தொகையில் வருமான வரி செலுத்திய 47.53 லட்சம் பேருக்கு ரூ.19,699 கோடியும், கார்பரேட் வரி செலுத்திய 1.63 லட்சம் பேருக்கு ரூ.60,387 கோடியும் வழங்கப்பட்டுள்ளது.

வருமான வரி தாக்கல்… இதெல்லாம் ரொம்ப முக்கியம்!
வருமான வரி ரீஃபண்ட் தொகை வந்ததா இல்லையா என்பதைத் தெரிந்துகொள்வதில் சிரமம் இருப்பதாக வாடிக்கையாளர்கள் தரப்பில் கூறப்படுகிறது. ஆனால் வருமான வரித் துறையின் புதிய வெப்சைட்டில் ஆன்லைன் மூலமாக மிக எளிதாகப் பார்க்க முடியும் என்று வருமான வரித் துறை தரப்பில் கூறப்பட்டுள்ளது. புதிய வருமான வரித் துறை வெப்சைட்டில் நிறைய தொழில்நுட்ப பிரச்சினைகள் இருப்பதாகவும் வாடிக்கையாளர்கள் தரப்பில் புகார்கள் வந்தன. இதையடுத்து பிரச்சினைகளுக்குத் தீர்வு காண அந்த வெப்சைட்டை உருவாக்கிய இன்ஃபோசிஸ் நிறுவனத்துக்குக் கால அவகாசமும் வழங்கப்பட்டது.

Leave a Reply

Your email address will not be published. Required fields are marked *