வரி வசூல்… கோடிகளில் குளிக்கும் மத்திய அரசு!

by -29 views

2021ஆம் ஆண்டின் ஏப்ரல் முதல் செப்டம்பர் 22 வரையிலான காலத்தில் வரி வசூல் விவரங்களை மத்திய நிதியமைச்சகம் வெளியிட்டுள்ளது. அதன்படி, மேற்கூறிய கால கட்டத்தில் நேரடி வரியின் கீழ் ரூ.5,70,568 கோடி வசூல் செய்யப்பட்டுள்ளது. கடந்த நிதியாண்டின் இதே காலத்தில் ரூ.3,27,174 கோடி மட்டுமே வசூல் செய்யப்பட்டது. இது 74.4 சதவீத வளர்ச்சியாகும்.

கடந்த செப்டம்பர் 22ஆம் தேதி வரை வசூலான வரியில் கார்பரேஷன் வரி ரூ.3,02,975கோடியும், தனிநபர் வருமான வரி ரூ. 2,67,593 கோடியும் வசூல் செய்யப்பட்டுள்ளது. வருமான வரி செலுத்தியோருக்கு ரீபண்ட் வழங்குவதற்கு முன்பு, 2021-22ஆம் ஆண்டுக்கான மொத்த நேரடி வரி வசூல் ரூ.6,45,679 கோடியாகும். இதற்கு முந்தைய ஆண்டுடன் இதே காலத்தில் இதன் அளவு ரூ.4,39,242 கோடியாக இருந்தது. இது 47 சதவீத வளர்ச்சியாகும்.

ஜிஎஸ்டி வசூல் எத்தனை கோடி தெரியுமா?
ரீஃபண்ட் தொகையைப் பொறுத்தவரையில், 2021-22ம் நிதியாண்டின் இதுவரையிலான காலத்தில் ரூ.75,111 கோடி ரீஃபண்ட் வழங்கப்பட்டுள்ளது. 2020-21 நிதியாண்டில் கொரோனா பாதிப்பால் நாடு முழுவதும் மிகப் பெரிய பொருளாதார வீழ்ச்சி ஏற்பட்டது. இதனால் வரி வசூலில் இந்திய அரசு பின்னடைவைச் சந்தித்தது. ஆனால், இப்போது கொரோனா இரண்டாம் அலை வீசினாலும் அரசின் நடவடிக்கைகளால் வரி வசூலும் பொருளாதார வளர்ச்சியும் மேம்பட்டுள்ளது.

Leave a Reply

Your email address will not be published. Required fields are marked *