வட்டியில் மாற்றம் இல்லை.. ரிசர்வ் வங்கி அறிவிப்பு!

by -51 views

ஹைலைட்ஸ்:

  • ரெப்போ விகிதத்தில் மாற்றம் இல்லை
  • ரிசர்வ் வங்கி கொள்கை கூட்டத்தில் முடிவு

ரிசர்வ் வங்கியின் கொள்கைக் கூட்டம் அக்டோபர் 6ஆம் தேதி தொடங்கி இன்று முடிவடைந்துள்ளது. ரிசர்வ் வங்கி ஆளுநர் சக்திகந்தா தாஸ் தலைமையில் இக்கூட்டம் நடைபெற்றது. ரெப்போ வட்டி விகிதம் மாற்றப்படுமா என எதிர்பார்க்கப்பட்டு வந்த நிலையில் கொள்கைக் கூட்ட அறிவிப்புகள் வெளியாகியுள்ளன.

ரெப்போ விகிதத்தை தொடர்ந்து 4 விழுக்காடாகவே வைத்திருக்கலாம் என ரிசர்வ் வங்கி கொள்கைக் குழு முடிவு செய்துள்ளது. இத்துடன் எட்டாவது முறையாக ரெப்போ விகிதத்தை 4 விழுக்காடாக வைத்திருக்க ரிசர்வ் வங்கி முடிவு செய்துள்ளது.

இதற்கு முன்பு கடைசியாக 2020ஆம் ஆண்டு மே 22ஆம் தேதி ரெப்போ விகிதத்தை 4 விழுக்காடாக மாற்றி ரிசர்வ் வங்கி அறிவித்தது. கொரோனா நெருக்கடி, பொருளாதார சரிவு என பல்வேறு சிக்கல்களுக்கு மத்தியில் ரெப்போ விகிதத்தை தொடர்ந்து 4 விழுக்காடாகவே வைத்திருக்கிறது ரிசர்வ் வங்கி.

விவசாயிகளுக்கு அடுத்த 2000 ரூபாய் எப்போது கிடைக்கும்?
அதேபோல, ரிவர்ஸ் ரெப்போ விகிதமும் தொடர்ந்து 3.35 விழுக்காடாக வைக்கப்பட்டுள்ளது. ரெப்போ விகிதம் என்பது ரிசர்வ் வங்கியிடம் இருந்து வங்கிகள் பெறும் கடனுக்கு விதிக்கப்படும் வட்டியாகும். ரிவர்ஸ் ரெப்போ விகிதம் என்பது வங்கிகளிடம் இருந்து ரிசர்வ் வங்கி வாங்கும் கடனுக்கு விதிக்கப்படும் வட்டியாகும்.

ரெப்போ விகிதம் மாற்றப்படும்போது வங்கிகள் வழங்கும் வீட்டுக் கடன், கார் கடன், தனிநபர் கடன் என பல்வேறு கடன்களுக்கான வட்டி விகிதமும் மாற்றமடையும்.

Leave a Reply

Your email address will not be published. Required fields are marked *