வங்கியில் பணம் எடுக்கத் தடை… வாடிக்கையாளர்கள் ஷாக்!

by -57 views
வங்கியில் பணம் எடுக்கத் தடை… வாடிக்கையாளர்கள் ஷாக்!
வங்கியில் பணம் எடுக்கத் தடை… வாடிக்கையாளர்கள் ஷாக்!

வங்கி விதிமுறைகளை மீறும் வங்கிகள் மற்றும் தொடர்ந்து இயங்க முடியாமல் தவிக்கும் வங்கிகளை ரிசர்வ் வங்கி தனது கட்டுப்பாட்டில் எடுப்பதும் அபராதம் விதிப்பதும் வழக்கமான நடவடிக்கைதான். அந்த வகையில் நிதி ரீதியாக மிகவும் நெருக்கடியான சூழலில் இருக்கும் மகாராஷ்டிராவைச் சேர்ந்த பாபாஜி டேட் மகிளா சஹாகாரி வங்கிக்கு ரிசர்வ் வங்கி கட்டுப்பாடு விதித்துள்ளது.

இந்த வங்கியில் பணம் போட்ட வாடிக்கையாளர்கள் இனி 5,000 ரூபாய் வரையில் மட்டுமே பணம் எடுக்க முடியும். அதைத் தாண்டி எடுக்க முடியாது. வங்கி விதிமுறைச் சட்டம் 1949-இன் கீழ் இந்த நடவடிக்கை எடுக்கப்பட்டுள்ளது. நவம்பர் 8ஆம் தேதி முதல் அடுத்த ஆறு மாதங்களுக்கு இந்த வங்கி மீதான தடை நீடிக்கும் என்று அறிவிக்கப்பட்டுள்ளது.

இந்த பேங்க் வாடிக்கையாளர்களுக்கு ரூ.5 லட்சம் கிடைக்கும்!!
இதுமட்டுமல்லாமல், இந்த வங்கியில் இனி பணம் போடவும், கடன் வழங்கவும் தடை விதிக்கப்பட்டுள்ளது. ரிசர்வ் வங்கியின் ஒப்புதல் இல்லாமல் இந்த வங்கி இனி யாருக்கும் கடன் கொடுக்க முடியாது. முதலீடுகளை ஈர்க்கவும், முதலீடு செய்யவும் கட்டுப்பாடு விதிக்கப்பட்டுள்ளது. பாபாஜி டேட் மகிளா சஹாகாரி வங்கியின் நிதி நிலை மேம்படும் வரை ரிசர்வ் வங்கியின் முழுக் கட்டுப்பாட்டில்தான் இருக்க வேண்டும். ரிசர்வ் வங்கியின் அனுமதி இல்லாமல் எதுவும் செய்ய முடியாது.

கர்நாடகாவைச் சேர்ந்த மில்லத் கூட்டுறவு வங்கி மீதான தடை இன்னும் மூன்று மாதங்களுக்கு நீட்டிக்கப்படுவதாகவும் ரிசர்வ் வங்கி அறிவித்துள்ளது. இதன்படி, 2022 பிப்ரவரி 7ஆம் தேதி வரை தடை நீடிக்கும்.

Leave a Reply

Your email address will not be published. Required fields are marked *