வங்கித் தேர்வுகள் இனி தமிழிலும் நடக்கும்.. அரசு அறிவிப்பு!

by -29 views

ஹைலைட்ஸ்:

  • பிராந்திய மொழிகளிலும் வங்கித் தேர்வு நடத்தப்படும்
  • மத்திய நிதியமைச்சகம் அறிவிப்பு

வங்கிப் பணியாளர் தேர்வுகளை மாநில மொழிகளிலும் நடத்தப்படும் என மத்திய நிதியமைச்சகம் தெரிவித்துள்ளது. வங்கி எழுத்தர் (Bank Clerk) தேர்வுகள் தற்போது ஆங்கிலம் மற்றும் இந்தி மொழிகளில் நடத்தப்பட்டு வருகிறது.

இந்நிலையில், தமிழ் போன்ற 13 மாநில மொழிகளில் வங்கிப் பணியாளர் தேர்வுகளை நடத்தப்படும் என மத்திய நிதியமைச்சகம் தெரிவித்துள்ளது. 12 பொதுத்துறை வங்கிகளில் காலிப்பணியிடங்களை நிரப்புவதற்கான ஆரம்ப தேர்வு (Prelim) மற்றும் பிரதான தேர்வு (Main) இனி மாநில மொழிகளிலும் நடத்தப்படும் என்று நிதியமைச்சகம் தெரிவித்துள்ளது.

இதன்படி, இந்தி மற்றும் ஆங்கிலத்துடன் சேர்த்து 13 மாநில மொழிகளில் வங்கிப் பணியாளர் தேர்வுகள் நடத்தப்படும். மாநில மொழிகளில் வங்கித் தேர்வுகளை நடத்துவது குறித்து ஆலோசிக்க நிதியமைச்சகம் ஒரு குழுவை அமைத்தது. இக்குழுவின் பரிந்துரைகள் நிதியமைச்சகத்திடம் சமர்ப்பிக்கப்பட்டுள்ளது.

100 ரூபாயில் தங்கம்.. முதலீடு செய்ய ஐடியா!
இந்தப் பரிந்துரைகளின் அடிப்படையில் வங்கிப் பணியாளர் தேர்வுகளை மாநில மொழிகளில் நடத்த அரசு முடிவு செய்துள்ளது. இதன்படி, எஸ்பிஐ வங்கி உள்ளிட்ட அனைத்து பொதுத்துறை வங்கிகளிலும் காலிப்பணியிடங்களை நிரப்புவதற்கான IBPS தேர்வு மாநில மொழிகளிலும் நடத்தப்படும்.

Leave a Reply

Your email address will not be published. Required fields are marked *