வங்கிக்கு ரூ.2 கோடி அபராதம்… வாடிக்கையாளர்கள் ஷாக்!

by -57 views

இந்திய வங்கித் துறையில் வங்கி விதிமுறைச் சட்டத்தின் கீழ் உள்ள விதிமுறைகளைக் கடைபிடிக்காமல் இருக்கும் வங்கிகளுக்கு மத்திய ரிசர்வ் வங்கி அதிரடியான தண்டனைகளை வழங்கு வருகிறது. பெரிய அளவில் அபராதம் விதிப்பது, வங்கி உரிமத்தை ரத்து செய்வது போன்ற நடவடிக்கைகள் இதில் அடங்கும். அந்த வகையில் ஆர்.பி.எல். வங்கிக்கு ரூ.2 கோடி அபராதம் விதிக்கப்பட்டுள்ளது. இந்த வங்கியில் வாடிக்கையாளர்கள் சேமிப்புக் கணக்கு திறப்பதில் முறைகேடுகள் நடந்திருப்பது கண்டறியப்பட்டுள்ளது.

வங்கி விதிமுறைச் சட்டத்தைப் பின்பற்றாத குற்றத்துக்காக இந்த அபராதம் விதிக்கப்பட்டுள்ளது. இதனால் அந்த வங்கி வாடிக்கையாளர்கள் அதிர்ச்சியடைந்துள்ளனர். ஏனெனில், வங்கிகள் மீது இதுபோன்ற பெரிய அளவில் அபராதம் விதிக்கப்படும்போதோ அல்லது வங்கிகள் திவால் நிலைக்குச் செல்லும்போதோ அதில் டெபாசிட் செய்துள்ள வாடிக்கையாளர்களின் பணத்துக்கு பாதுகாப்பு இருக்காதோ என்று அஞ்சப்படுகிறது. அதற்குக் காப்பீடு கிடைத்தாலும் வாடிக்கையாளர்கள் மத்தியில் நம்பகத்தன்மை குறைவாகவே இருக்கும்.

இந்த பேங்க் வாடிக்கையாளர்களுக்கு ரூ.5 லட்சம் கிடைக்கும்!!
ஆர்.பி.எல். வங்கி மட்டுமல்லாமல், ஜம்மு & கஷ்மீர் கூட்டுறவு வங்கியும் தற்போது ரிசர்வ் வங்கியின் பிடியில் சிக்கியுள்ளது. இந்த வங்கி ரிசர்வ் வங்கியின் அனுமதி இல்லாமலேயே சில இடங்களில் வங்கிக் கிளைகளைத் திறந்திருப்பது கண்டுபிடிக்கப்பட்டுள்ளது. வங்கி விதிமுறைச் சட்டம் 1949 செக்சன் 56 மற்றும் செக்சன் 23-இன் படி இது குற்றமாகும். எனவே இந்த வங்கிக்கு ரூ.11 லட்சம் அபராதம் விதிக்கப்பட்டுள்ளது.

Leave a Reply

Your email address will not be published. Required fields are marked *