லோன் வாங்கப் போறீங்களா? கம்மி வட்டியில் வாங்கலாம்!

by -52 views

தனிநபர் கடன் எனப்படும் பெர்சனல் லோன் குறைந்த வட்டியில் வாடிக்கையாளர்களுக்கு ஏதுவான வகையில் கிடைக்கின்றன. இது பாதுகாப்பானதும்கூட. இதற்காக கொலேட்ரல் எதையும் வழங்கத் தேவையில்லை. பெர்சனல் லோன் வாங்க முடிவெடுத்துவிட்டால் முதலில் எந்த வங்கியில் வாங்குவது என்று முடிவெடுக்க வேண்டும். வட்டி எங்கே குறைவாக உள்ளது, செயல்பாட்டுக் கட்டணம் எவ்வளவு, உடனடியாக ஒப்புதல் கிடைத்துவிடுமா என்று பார்க்க வேண்டும். பல்வேறு வங்கிகளின் வெப்சைட்களிலேயே இதுபோன்ற விவரங்களைப் பார்த்து தெரிந்துகொள்ளலாம்.

உங்களது மாத வருமானத்தைப் பொறுத்து வங்கிகள் உங்களுக்கு பெர்சனல் லோன் வழங்கும். பல்வேறு வங்கிகளில் இப்போது 50 லட்சம் ரூபாய் வரை கூட கடன் கிடைக்கிறது. கடன் வாங்குபவரின் கிரெடிட் ஸ்கோர் பொறுத்து வழங்கப்படும். பொதுவாக பெர்சனல் லோனுக்கு வட்டி விகிதம் 10 முதல் 24 சதவீதம் வரை இருக்கும். ஆனால் சில வங்கிகள் அதை விடவும் குறைவான வட்டியில் கடன் வழங்குகின்றன. அதுகுறித்து இங்கே பார்க்கலாம்.

யூனியன் பேங்க் ஆஃப் இந்தியா – 8.90 சதவீத வட்டி
செண்ட்ரல் பேங்க் ஆஃப் இந்தியா – 8.90 சதவீத வட்டி
பஞ்சாப் நேஷனல் பேங்க் – 8.95 சதவீத வட்டி
இந்தியன் பேங்க் – 9.05 சதவீத வட்டி
பேங்க் ஆஃப் மகாராஷ்டிரா – 9.45 சதவீத வட்டி

நீங்கள் வேலை பார்க்கும் நிறுவனத்தைப் பொறுத்தும் உங்களுக்கு கடன் தொகையில் மாறுபாடு இருக்கும். கிரெடிட் ஸ்கோர், மாத சம்பளம் போன்றவை முக்கியம்.

Leave a Reply

Your email address will not be published. Required fields are marked *