லேப்டாப் நிறுவனம் சிக்கியது… வருமான வரித் துறை அதிரடி!

by -20 views

லேப்டாப், மொபைல் போன் போன்ற எலெக்ட்ரானிக் பொருட்கள் தவறான முறையில் இறக்குமதி செய்யப்படுவதாக வருமான வரித் துறைக்கு தகவல் கிடைத்தது. இதையடுத்து கொல்கத்தா துறைமுகத்தில் வருமான வரித் துறையினர் சோதனை நடத்தினர். அப்போது ஒரு கண்டெய்னரில் ரூ.3.8 லட்சத்துக்கு HDMI கேபிள்கள் இறக்குமதி செய்யப்பட்டுள்ளதாகக் கணக்குக் காட்டப்பட்டிருந்தது. அந்த கண்டெய்னரைத் திறந்து பார்த்தபோது அதில் மொபைல் போன்களும் லேப்டாப்களும் இருந்தன. இவற்றின் மதிப்பு மொத்தம் 64 கோடிக்கு மேல் இருக்கும் என்று கண்டுபிடிக்கப்பட்டுள்ளது.

அதிகமான விலைக்கு பொருட்களை இறக்குமதி செய்துவிட்டு, குறைந்த விலைக்கு கணக்கு காட்டி வரி மோசடி செய்த அந்த லேப்டாப் நிறுவனம் மீது வருமான வரித் துறை அதிரடி நடவடிக்கை மேற்கொண்டது. டெல்லி, ஹரியானா, மேற்குவங்கம் உள்ளிட்ட இடங்களில் நடத்தப்பட்ட சோதனையில் இன்னும் பல மோசடிகள் கண்டுபிடிக்கப்பட்டுள்ளன. போலியான நிறுவனங்களை (ஷெல் நிறுவனம்) உருவாக்கி அவற்றின் பெயரில் முறைகேடான வகையில் பணப் பரிவர்த்தனைகள் செய்ததும் கண்டுபிடிக்கப்பட்டுள்ளது. இந்த சோதனையில் மொத்தம் ரூ.2.75 கோடி கைப்பற்றப்பட்டுள்ளது.

தீபாவளிக்கு மூன்று போனஸ்.. அரசு ஊழியர்கள் ஹேப்பி!
இவ்வாறாக மோசடியான முறையில் சம்பாதித்த பணத்தைக் கொண்டு நிலம், வீடு உள்ளிட்ட சொத்துகள் வாங்கப்பட்டுள்ளதும், அவற்றின் மூலமாக வாடகை என்ற பெயரில் நிறைய சம்பாதித்துள்ளதும் கண்டுபிடிக்கப்பட்டுள்ளது. இதுமட்டுமல்லாமல், வெளிநாடுகளில் உள்ள வங்கிக் கணக்குகளில் பல கோடி ரூபாய் டெபாசிட் செய்யப்பட்டு வைத்துள்ளதாகவும் கூறப்படுகிறது. வரி ஏய்ப்பு தொடர்பான இந்த மோசடியை அடுத்து வருமான வரித் துறையினரின் சோதனைகள் தொடர்ந்து நடைபெற்று வருகின்றன.

Leave a Reply

Your email address will not be published. Required fields are marked *