முதலீடு செய்ய சிறந்த இடம்! உடனே கிளம்புங்க!

by -42 views

இந்திய தபால் துறை வாயிலாக மத்திய அரசு செயல்படுத்தி வரும் சிறு சேமிப்புத் திட்டங்களில் கிசான் விகாஸ் பத்ரா திட்டமும் ஒன்றாகும். நீண்ட கால அடிப்படையில் இது நல்ல வருவாய் தரும். இத்திட்டத்துக்கான வட்டி விகிதத்தை மத்திய நிதியமைச்சகம் அவ்வப்போது நிர்ணயிக்கிறது. தற்போதைய நிலவரப்படி 6.9 சதவீத வட்டி நடைமுறையில் உள்ளது. இதன்படி பார்த்தால் நீங்கள் முதலீடு செய்யும் தொகை 10 ஆண்டுகள் மற்றும் 4 மாதங்களில் இரட்டிப்பாகி விடும்.

இத்திட்டத்தின் கீழ் பத்திரங்கள் வழங்கப்படுகின்றன. கிசான் விகாஸ் பத்திரத்தைத் தனிநபரோ அல்லது மூன்று பேர் வரையில் கூட்டாகவோ வாங்க முடியும். 10 வயதுக்கு மேற்பட்ட மைனர் கூட இந்த பத்திரத்தை வாங்கலாம். நாட்டிலுள்ள எந்தவொரு அஞ்சல் நிலையத்திலும் இந்த கிசான் விகாஸ் பத்திரத்தை நீங்கள் வாங்க முடியும். இத்திட்டத்தில் நீங்கள் குறைந்தது 1,000 ரூபாய் முதலீடு செய்யலாம். அதிகபட்ச வரம்பு எதுவும் கிடையாது. நீங்கள் எவ்வளவு வேண்டுமானாலும் முதலீடு செய்ய முடியும்.

தபால் நிலையத்தில் பணம் போட போறீங்களா? இத பாத்துட்டு போங்க!
பத்திரம் வாங்கிய பின்னர் இரண்டரை ஆண்டுகள் கழித்து உங்களால் பணத்தை எடுக்க முடியும். ஒரு நபரின் பெயரிலிருந்து மற்றொரு நபரின் பெயருக்கு இந்தப் பத்திரத்தை மாற்றும் வசதி உள்ளது. அதேபோல, ஒரு அஞ்சல் அலுவலகத்திலிருந்து மற்றொரு அஞ்சல் அலுவலகத்துக்கும் நீங்கள் கணக்கை மாற்றிக்கொள்ளலாம். இத்திட்டத்தில் தினமும் ரூ.333 என்ற அளவில் முதலீடு செய்தால் கூட இத்திட்டத்தின் முதிர்வு காலத்தில் உங்களுக்கு ரூ.16.28 லட்சம் கிடைக்கும்.

Leave a Reply

Your email address will not be published. Required fields are marked *