மியூச்சுவல் ஃபண்ட் முதலீடு.. ஒரே மாதத்தில் ரூ.8,666 கோடி!

by -22 views

ஹைலைட்ஸ்:

  • எக்விட்டி மியூச்சுவல் ஃபண்ட் திட்டங்களில் குவிந்த முதலீடு
  • ஒரே மாதத்தில் 8666 கோடி ரூபாய் குவிந்தது

கடந்த ஆகஸ்ட் மாதத்தில் மட்டும் எக்விட்டி மியூச்சுவல் ஃபண்ட் திட்டங்களில் மொத்தம் 8,666 கோடி ரூபாய் முதலீடு செய்யப்பட்டுள்ளதாக இந்திய மியூச்சுவல் ஃபண்ட்ஸ் சங்கம் தகவல் வெளியிட்டுள்ளது.

புதிய ஃபண்ட் ஆஃபர்கள், நிலையான SIP, பசிட்டிவ்வான பங்குச் சந்தை உள்ளிட்ட காரணங்களால் மியூச்சுவல் ஃபண்ட் முதலீடு கணிசமாக உயர்ந்துள்ளதாக நிபுணர்கள் கூறுகின்றனர்.

எக்விட்டி திட்டங்களில் மொத்தமாக ஜூன் மாதம் 5,988 கோடி ரூபாயும், மே மாதம் 10,083 கோடி ரூபாயும், ஏப்ரல் மாதம் 3,437 கோடி ரூபாயும், மார்ச் மாதம் 9,115 கோடி ரூபாயும் முதலீடுகள் ஈர்க்கப்பட்டுள்ளன.

அதிக வட்டி.. அதிக வருமானம்.. முதலீடு செய்ய கடைசி வாய்ப்பு!
ஆகஸ்ட் மாதத்தில் கார்ப்பரேட் பாண்ட்களில் 3,065 கோடி ரூபாய்க்கு முதலீடுகள் குவிந்துள்ளது. மியூச்சுவல் ஃபண்ட் திட்டங்களை பொறுத்தவரை ஆகஸ்ட் மாதத்தில் எக்விட்டி மற்றும் எக்விட்டி சார்ந்த திட்டங்களில் 8,666.68 கோடி ரூபாய்க்கு முதலீடுகள் குவிந்துள்ளது.

இதில் ஃபிளக்சி கேப் பிரிவில் 4,741 கோடி ரூபாய், ஃபோகஸ்ட் ஃபண்ட்ஸ் பிரிவில் 3,073 கோடி ரூபாய், செக்டோரல் ஃபண்ட்ஸ் பிரிவில் 1,885 கோடி ரூபாய் முதலீடுகள் குவிந்துள்ளன.

கடந்த மாதம் தங்க ETF திட்டங்களில் 24 கோடி ரூபாய் முதலீடுகள் குவிந்துள்ளன. டெட் மியூச்சுவல் ஃபண்ட் திட்டங்களில் 1,074 கோடி ரூபாய் முதலீடுகள் குவிந்துள்ளன. மியூச்சுவல் ஃபண்ட் திட்டங்களில் அனைத்து பிரிவுகளிலும் ஒட்டுமொத்தமாக கடந்த மாதம் 32,976 கோடி ரூபாய் முதலீடு குவிந்துள்ளது.

Leave a Reply

Your email address will not be published. Required fields are marked *