மின்சாரப் பிரச்சினை இனி இல்லை! நிலக்கரி தட்டுப்பாடு குறைந்தது!

by -23 views

இந்தியாவில் கடந்த சில மாதங்களாகவே நிலக்கரி தட்டுப்பாடு பெரும் பிரச்சினையாக உள்ளது. இதனால் மின்சாரத் தட்டுப்பாடும் ஏற்பட்டுள்ளது. ஆனால் கடந்த சில நாட்களில் நிலக்கரி தட்டுப்பாடு குறைந்துள்ளது. அரசுக்குச் சொந்தமான கோல் இந்தியா நிறுவனமும் நிலக்கரியை அதிகமான அளவில் விநியோகித்து வருகிறது. இதன் விளைவாக இந்தியாவின் மின்சாரப் பிரச்சினை குறைந்து மின் பயன்பாடு அதிகரித்துள்ளது. மத்திய மின்சாரத் துறை வெளியிட்டுள்ள தகவலின்படி, இந்த அக்டோபர் மாதத்தின் முதல் பாதியில் இந்தியாவின் மின்சாரப் பயன்பாடு 57.22 பில்லியன் யூனிட்டாக அதிகரித்துள்ளது.

சென்ற ஆண்டின் அக்டோபர் 1 முதல் 15 வரையிலான நாட்களில் இந்தியாவின் மின்சாரப் பயன்பாடு 55.36 பில்லியன் யூனிட்களாக இருந்தது. எனவே இந்த அக்டோபர் மதத்தில் 3.35 சதவீதம் உயர்ந்துள்ளது. முன்னதாக அக்டோபர் 7ஆம் தேதி இந்தியா மிகப் பெரிய மின் பற்றாக்குறையைச் சந்தித்தது. அப்போது மின் பற்றாக்குறை 11,626 மில்லியன் வாட்டாகப் பதிவாகியிருந்தது. கொரோனா பிரச்சினை எழுந்த பிறகு நிறைய மாநிலங்கள் ஊரடங்கு கட்டுப்பாடுகளை விதித்திருந்தது. இதனால் நிலக்கரி தட்டுப்பாடு ஏற்பட்டு மின் விநியோகமும் பாதிக்கப்பட்டது.

தீபாவளிக்கு மூன்று போனஸ்.. அரசு ஊழியர்கள் ஹேப்பி!
ஆனால், தற்போது இயல்பு நிலை திரும்பி வருகிறது. நிலக்கரி தட்டுப்பாட்டைப் போக்க அரசு தரப்பிலிருந்து நடவடிக்கை மேற்கொள்ளப்பட்டு வருகிறது. மின்சாரப் பயன்பாட்டைப் பொறுத்தவரையில் செப்டம்பர் மாதத்தில் 1.7 சதவீத வளர்ச்சியுடன் மொத்தம் 114.35 மில்லியன் யூனிட்டாக உயர்ந்தது. முன்னதாக பிப்ரவரி மாதத்தில் 103.25 பில்லியன் யூனிட்டாகவும், மார்ச் மாதத்தில் 120.63 மில்லியன் யூனிட்டாகவும் இருந்தது. மே மாதத்தில் 108.80 மில்லியன் யூனிட்டாகவும், ஜூன் மாதத்தில் 114.48 பில்லியன் யூனிட்டாகவும், ஜூலை மாதத்தில் 123.72 பில்லியன் யூனிட்டாகவும் இருந்தது.

Leave a Reply

Your email address will not be published. Required fields are marked *