போஸ்ட் ஆபீஸ் திட்டத்திலேயே 1 கோடி ரூபாய் வருமானம்.. இப்படி முதலீடு செஞ்சு பாருங்க!

by -59 views
போஸ்ட் ஆபீஸ் திட்டத்திலேயே 1 கோடி ரூபாய் வருமானம்.. இப்படி முதலீடு செஞ்சு பாருங்க!
போஸ்ட் ஆபீஸ் திட்டத்திலேயே 1 கோடி ரூபாய் வருமானம்.. இப்படி முதலீடு செஞ்சு பாருங்க!

ஹைலைட்ஸ்:

  • போஸ்ட் ஆபீஸ் திட்டத்தில் 12,500 ரூபாய் முதலீடு
  • மெச்சூரிட்டியில் ஒரு கோடி ரூபாய் வருமானம்

முதலீடுகளைப் பொறுத்தவரை ரிஸ்க் உள்ள முதலீடு, ரிஸ்க் இல்லாத முதலீடு என இரு வகை உண்டு. ரிஸ்க் உள்ள முதலீடுகள் பெரும்பாலும் பங்குச் சந்தையுடன் தொடர்புடையவை. ரிஸ்க் இல்லாத முதலீடுகள் பாதுகாப்பாக வருமானம் தரக்கூடியவை.

இதில், தபால் அலுவலக சிறு சேமிப்புத் திட்டங்கள் பாதுகாப்பானவையாக மட்டுமல்லாமல், நல்ல வருமானம் தரக்கூடியவையாகவும் இருக்கின்றன. உதாரணமாக, சிறு சேமிப்புத் திட்டமான பொது வருங்கால வைப்பு நிதி (PPF) திட்டத்துக்கு சிறு முதலீட்டாளர்களிடையே நல்ல வரவேற்பு கிடைத்துள்ளது.

இத்திட்டத்தில் 12,500 ரூபாய் முதலீடு செய்து ஒரு கோடி ரூபாய் வருமானம் சம்பாதிக்க முடியும். PPF திட்டத்தில் முதலீடு செய்ய விரும்புவோர் அருகில் உள்ள தபால் அலுவலகத்திலேயே கணக்கை தொடங்கி முதலீடு செய்யலாம்.

இந்த நோட்டு உங்களிடம் இருக்கா? 3 லட்சம் ரூபாய் கிடைக்கும்!
PPF திட்டத்தின் மெச்சூரிட்டி காலம் 15 ஆண்டுகள். அதற்கு பின் தேவைக்கு ஏற்ப ஒவ்வொரு 5 ஆண்டுகளாக நீட்டித்துக்கொள்ளலாம். தற்போது PPF திட்டத்துக்கு 7.1% வட்டி வழங்கப்படுகிறது. இதுமட்டுமல்லாமல், இதில் முதலீடு செய்வோர் வருமான வரிச் சலுகைகளும் பெறலாம்.

PPF திட்டத்தில் ஒரு கோடி ரூபாய் சம்பாதிக்க வேண்டுமெனில் என்ன செய்ய வேண்டும்? நீங்கள் ஒவ்வொரு மாதமும் 12,500 ரூபாய் PPF கணக்கில் முதலீடு செய்வதாக வைத்துக்கொள்வோம். 25 ஆண்டுகளில் நீங்கள் மொத்தமாக டெபாசிட் செய்யும் தொகை 37,50,000 ரூபாய்.

ஆண்டுக்கு 7.1% வட்டி என்ற கணக்கில், 25 ஆண்டுகளில் வட்டி வருமானம் மூலம் 65,58,012 ரூபாய் கிடைக்கும். ஆக 25 ஆண்டுகள் மெச்சூரிட்டியில் உங்களுக்கு 1,03,08,012 ரூபாய் கிடைக்கும்.

Leave a Reply

Your email address will not be published. Required fields are marked *