போஸ்ட் ஆபிசிலேயே ரூ.14 லட்சம் சம்பாதிக்கலாம்!

by -23 views

புதிதாக முதலீடு செய்ய நினைப்பவர்களுக்கு தபால் நிலையங்கள் சிறந்த இடமாக இருக்கும். இங்கு முதலீடு செய்யும் பணம் பாதுகாப்பாக இருப்பது மட்டுமல்லாமல் பல்வேறு சலுகைகளும் இருக்கின்றன. அரசு உத்தரவாதமும் உள்ளது. தபால் நிலையங்களில் செயல்படுத்தப்பட்டு வரும் சேமிப்புத் திட்டங்களில் கிராம் சுமங்கல் ரூரல் போஸ்டல் லைஃப் இன்சூரன்ஸ் திட்டமும் ஒன்றாகும். இத்திட்டம் 1995ஆம் ஆண்டில் தொடங்கப்பட்டது. இதில் முதலீடு செய்பவர்களுக்கு திட்டத்தின் முதர்வுக் காலத்தில் ரூ.14 லட்சம் வரையில் வருமானம் கிடைக்கும்.

முதலீட்டாளர்களுக்கு அதிகபட்சமாக ரூ.10 லட்சம் உறுதிப் பணமும் கிடைக்கும். இதில் முதலீடு செய்பவர் முதிர்வுக் காலம் வரையில் உயிரோடு இருக்கும்பட்சத்தில் அவர்களுக்கு மணி பேக் வசதியும் கிடைக்கும். முதலீட்டாளர் ஒருவேளை இறந்துவிட்டால் அவரது நாமினிக்கு உறுதிப் பணமும் போனஸ் தொகையும் கிடைக்கும். 15 ஆண்டுகள் மற்றும் 20 ஆண்டுகள் என இரண்டு பிரிவுகளில் முதலீடு செய்யலாம். 19 வயது முதல் 45 வயது வரை உள்ளவர்கள் இத்திட்டத்தில் முதலீடு செய்யலாம்.

வீடு கட்ட நல்ல வாய்ப்பு… குறைந்த வட்டியில் கடன்!
15 ஆண்டு கால முதலீட்டில் 6 ஆண்டுகள், 9 ஆண்டுகள், 12 ஆண்டுகள் கழித்து 20 சதவீத தொகையை எடுத்துப் பயன்படுத்தும் வசதி கிடைக்கும். எஞ்சிய 40 சதவீதத் தொகை முதிர்வுக் காலத்தில் போனஸ் தொகையாக வழங்கப்படும். 25 வயது நிரம்பிய ஒருவர் இத்திட்டத்தின் கீழ் முதலீடு செய்வதாக இருந்தால் 20 ஆண்டுகள் முதிர்வுக் காலத்தில் முதலீடு செய்யும்பட்சத்தில் அவருக்கு ரூ.7 லட்சம் உத்தரவாதத் தொகை கிடைக்கும். இதற்கு ஒவ்வொரு மாதமும் பிரீமியம் தொகையாக ரூ.2,853 செலுத்த வேண்டும். அதாவது நாள் ஒன்றுக்கு 95 ரூபாய்.

Leave a Reply

Your email address will not be published. Required fields are marked *