பைக் ஓட்டும்போது இதெல்லாம் கட்டாயம் இருக்கணும்!

by -36 views

இப்போது எல்லாமே டிஜிட்டல் மயமாகிவிட்டது. தனிமனிதருக்குத் தேவையான அனைத்து விஷயங்களும் மொபைல் போனிலேயே வந்துவிட்டன. வாகனங்கள் தொடர்பான ஆவணங்களையும் இப்போது டிஜிட்டல் முறையில் வைத்துக்கொள்ளலாம். கையில் வைத்துக் கொண்டு அலையத் தேவையில்லை. வண்டி எண்ணை மட்டுமே வைத்து வாகனம் மற்றும் வாகன உரிமையாளர் தொடர்பான விவரங்களைத் தெரிந்துகொள்ளலாம்.

ஆனாலும் சில இடங்களில் இருசக்கர வாகனங்கள் ஓட்டிச் செல்வோரிடம் காகித ஆவணங்கள் கேட்கப்படுகின்றன. அவை கையில் இருப்பது நல்லதுதான். டிஜிட்டல் முறையில் நீங்கள் ஆவணங்களைச் சேமித்து வைத்தாலும் என்னென்ன ஆவணங்கள் எல்லாம் அவசியம் என்று நீங்கள் தெரிந்துகொள்ள வேண்டும்.

>> டிரைவிங் லைசன்ஸ் என்பது வண்டி ஓட்டுபவரிடம் இருக்க வேண்டிய மிக முக்கியமான ஆவணமாகும்.

>> அடுத்ததாக வாகனப் பதிவு சான்றிதழ் முக்கியம். ஆர்டிஓ அலுவலகத்தில் வாகனம் பதிவுசெய்யப்பட்டதற்கு இதுவே ஆதாரம். வாகன உரிமையாளருக்கு இது மிக அவசியம்.

>> பைக் இன்சூரன்ஸ் வண்டியில் இருப்பது அவசியம். எப்போது என்ன நடக்கும் என்றே தெரியாது. திடீரென விபத்து ஏற்பட்டால் வாகன உரிமையாளருக்கும் வாகனத்துக்கும் இது காப்பீட்டு உதவியை வழங்கும்.

>> வண்டி சாலையில் ஓட்டுவதற்குத் தகுதியுடையதுதானா என்பதற்கு புகை மாசு சான்று அவசியம். சுற்றுச் சூழலுக்கு எந்த அளவுக்கு உங்களது வாகனம் மாசுபாட்டை ஏற்படுத்தும் என்பதை இது குறிக்கும்.

>> அடுத்ததாக ஃபிட்னஸ் சர்டிஃபிகேட் அவசியம். ஒவ்வொரு இரண்டு ஆண்டுகளுக்கு ஒரு முறையும் இதைப் புதுப்பிக்க வேண்டும். வாகனம் வாங்கிய முதல் 15 ஆண்டுகளுக்கு இது தேவைப்படாது.

>> அதேபோல, 50 வயதுக்கு மேற்பட்டவர்கள் வண்டி ஓட்டும்போது அவர்கள் மருத்துவச் சான்று வைத்திருப்பது அவசியம்.

Leave a Reply

Your email address will not be published. Required fields are marked *