பென்சன் வாங்குவோருக்கு முக்கிய அறிவிப்பு! இதைச் செய்யாவிட்டால் பணம் கிடைக்காது!

by -24 views

பென்சன் வாங்கும் ஒவ்வொருவரும் தங்களது ஆயுள் சான்றிதழை சமர்ப்பிப்பது அவசியமாகும். கொரோனா போன்ற பிரச்சினைகளைக் கருத்தில் கொண்டு பென்சன் வாங்கும் மூத்த குடிமக்களுக்கு நிவாரணம் அளிக்கும் வகையில் ஆயுள் சான்றிதழ் சமர்ப்பிப்பதற்கான கால வரம்பு நவம்பர் 30ஆம் தேதி வரையில் நீட்டிக்கப்பட்டுள்ளது. ஆயுள் சான்றிதழ் சமர்ப்பிப்பதற்கான கால அவகாசம் முடிவதற்குள் அதைச் சமர்ப்பிக்காமல் இருந்தால் அந்த வேலையை உடனடியாக முடிப்பது நல்லது. இல்லாவிட்டால் பென்சன் தொகை வந்துசேராது.

ஆயுள் சான்றிதழைச் சமர்ப்பிப்பது இப்போது எளிதான காரியம்தான். பென்சன் வாங்குவோர் தங்களது ஆயுள் சான்றிதழை வீட்டில் இருந்தபடியே சமர்ப்பிக்கலாம். போஸ்ட் ஆபீஸ் மூலமாக இச்சேவை வழங்கப்படுகிறது. இதில், தபால் காரர்கள் வீடு தேடி வந்து ஆயுள் சான்றிதழை வாங்கிச் செல்வார்கள். போஸ்ட் ஆபீஸ் மட்டுமல்லாமல், 12 பொதுத் துறை வங்கிகளில் வீடு தேடி வந்து ஆயுள் சான்றிதழ் பெறும் வசதி ஏற்படுத்தப்பட்டுள்ளது.

பென்சனர்களுக்கு ஹேப்பி நியூஸ்… அக்டோபர் 1 முதல் இது ஈசி!
ஸ்டேட் பேங்க் ஆஃப் இந்தியா, பஞ்சாப் நேஷனல் பேங்க், பேங்க் ஆஃப் பரோடா, பேங்க் ஆஃப் இந்தியா, கனரா பேங்க், பேங்க் ஆஃப் மகாராஷ்டிரா, செண்ட்ரல் பேங்க் ஆஃப் இந்தியா, இந்தியன் பேங்க், இந்தியன் ஓவர்சீஸ் பேங்க், பஞ்சாப் & சிந்த் பேங்க், யூசியோ பேங்க் போன்ற வங்கிகளில் இந்த வசதியை பென்சனர்கள் பெறலாம்.

doorstepbanks.com அல்லது www.dsb.imfast.co.in/doorstep/login என்ற முகவரியில் சென்று இதற்கு விண்ணப்பிக்கலாம். அல்லது Doorstep Banking மொபைல் ஆப்பையும் பயன்படுத்தலாம். 18001213721 மற்றும் 18001037188 ஆகிய டோல் ஃபிரீ எண்களும் உதவும்.

அப்பாயின்மெண்ட் கிடைக்கும் தேதியில் வங்கி சார்பாக அதிகாரி ஒருவர் வந்து உங்களுடைய ஆயுள் சான்றிதழை ஜீவன் பிரமான் ஆப் மூலமாகப் பெற்றுச் செல்வார்.

ஆயுள் சான்றிதழைச் சமர்ப்பிக்க இதுபோல நிறைய வசதிகள் வந்துவிட்டன. எனவே இவற்றைப் பயன்படுத்தி சமர்ப்பிக்கலாம். இல்லாவிட்டால் பென்சன் வருவதில் சிக்கல் ஏற்படலாம்.

Leave a Reply

Your email address will not be published. Required fields are marked *