பென்சனர்களுக்கு ஹேப்பி நியூஸ்! எஸ்பிஐ அசத்தல் அறிவிப்பு!

by -29 views

இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியா தனது வாடிக்கையாளர்களுக்கு பல்வேறு சேவைகளைத் தொடர்ந்து வழங்கி வருவதோடு, வாடிக்கையாளர்களுக்கு ஏதுவாக சிறப்பு வசதிகளையும் ஏற்படுத்தித் தருகிறது. அதன்படி, தனது பென்சன் சேவா போர்ட்டலை பென்சனர்களுக்கு ஏற்றாற்போல அப்கிரேட் செய்துள்ளது. இதன்மூலமாக பென்சனர்கள் நிறைய சேவைகளை எளிதாகப் பெறலாம்.

இதுகுறித்து ஸ்டேட் பேங்க் ஆஃப் இந்தியா வங்கி தனது ட்விட்டர் பக்கத்திலும் செய்தி வெளியிட்டுள்ளது. பென்சன் தொடர்பான சேவைகள் அனைத்தையும் இனி எஸ்பிஐ வாடிக்கையாளர்கள் மிக எளிதாகப் பெறலாம் என்று தெரிவித்துள்ளது. இந்த எஸ்பிஐ பென்சன் சேவா போர்ட்டல் வாயிலாக வாடிக்கையாளர்கள் தங்களது பென்சன் ஸ்லிப்பை டவுன்லோடு செய்துகொள்ளலாம். இதுமட்டுமல்லாமல் ஃபார்ம் 16 போன்ற ஆவணங்களையும் இதில் டவுன்லோடு செய்யலாம்.

பென்சன் விதிகள் மாற்றம்… மத்திய அரசு அறிவிப்பு!
பென்சனர்கள் தங்களது பரிவர்த்தனை விவரங்களை இந்த வெப்சைட்டில் பார்க்க முடியும். ஆயுள் சான்றிதழ் சமர்ப்பிக்கப்பட்டிருந்தால் அதன் தற்போதைய நிலை என்ன என்பதையும் இந்த போர்ட்டலில் பென்சனர்கள் பார்த்து தெரிந்துகொள்ளலாம். பென்சன் ஸ்லிப்பை இமெயில் ஐடி வாயிலாகப் பெற விரும்பினால் அதற்கும் இந்த போர்ட்டல் வாயிலாக கோரிக்கை வைக்கலாம். இதுபோன்ற பல்வேறு வசதிகள் பென்சனர்களுக்காக இந்த போர்ட்டலில் ஏற்படுத்தப்பட்டுள்ளது.

Leave a Reply

Your email address will not be published. Required fields are marked *