பயங்கர லாபம் இருந்தும் கஷ்டம்.. டாடா ஸ்டீல் பங்கு சரிந்ததன் மர்மம்!

by -49 views
பயங்கர லாபம் இருந்தும் கஷ்டம்.. டாடா ஸ்டீல் பங்கு சரிந்ததன் மர்மம்!
பயங்கர லாபம் இருந்தும் கஷ்டம்.. டாடா ஸ்டீல் பங்கு சரிந்ததன் மர்மம்!

ஹைலைட்ஸ்:

  • டாடா ஸ்டீல் காலாண்டு வருமான விவரம்
  • லாபம் எட்டு மடங்கு உயர்வு
  • எனினும் பங்கு விலை சரிந்ததன் மர்மம் என்ன?

இந்தியாவின் முன்னணி ஸ்டீல் உற்பத்தி நிறுவனமான டாடா ஸ்டீல் (Tata Steel) நிறுவனத்தின் மொத்த நிகர லாபம் செப்டம்பர் காலாண்டில் கணிசமாக உயர்ந்துள்ளது. செப்டம்பர் காலாண்டில் டாடா ஸ்டீல் நிறுவனம் 11,918 கோடி ரூபாய் மொத்த நிகர லாபம் ஈட்டியுள்ளது.

இதன்படி, கடந்த ஆண்டு செப்டம்பர் காலாண்டைக் காட்டிலும் இந்த ஆண்டு செப்டம்பர் காலாண்டில் டாடா ஸ்டீல் நிறுவனத்தின் மொத்த நிகர லாபம் 66% உயர்ந்துள்ளது; அதாவது எட்டு மடங்கு உயர்ந்துள்ளது. மொத்த விற்பனை வலுவாக இருந்ததால் நிகர லாபமும் 34% உயர்ந்துள்ளது.

ஸ்டீல் விலை உயர்ந்ததாலும் டாடா ஸ்டீல் நிறுவனத்தின் லாபம் உயர்ந்துள்ளது. இதுபோக, செப்டம்பர் காலாண்டில் டாடா ஸ்டீல் நிறுவனம் 59,394 கோடி ரூபாய்க்கு விற்பனை செய்துள்ளது. இது கடந்த ஆண்டைக் காட்டிலும் 55% உயர்வு; கடந்த காலாண்டைக் காட்டிலும் 13% உயர்வு.

தங்க நகை வைத்து வீடு கட்டலாம்.. எப்படின்னு தெரியுமா?
இந்தியாவில் மட்டும் 4.58 மில்லியன் டன் ஸ்டீல் பொருட்களை டெலிவரி செய்துள்ளது டாடா ஸ்டீல் நிறுவனம். குறிப்பாக, ஆட்டோமொபைல் துறைக்கான விற்பனை 18% உயர்ந்துள்ளது. எல்லா பக்கங்களும் டிமாண்ட் குறைவாக இருந்தாலும் டாடா ஸ்டீலின் விற்பனை சக்கை போடு போட்டுள்ளது.

இன்று பங்குச் சந்தை முடிவில் டாடா ஸ்டீல் பங்கு விலை 1286.70 ரூபாயாக இருந்தது குறிப்பிடத்தக்கது. டாடா ஸ்டீல் இவ்வளவு லாபம் ஈட்டியும் அதன் பங்கு இன்று 0.99% சரிந்தது. இது முதலீட்டாளர்களுக்கு பெரும் அதிர்ச்சியாக அமைந்தது. இதற்கு என்ன காரணம்?

டாடா ஸ்டீல் பங்கு சரிந்ததற்கு இரண்டு காரணங்கள் உள்ளன. ஒன்று, டாடா ஸ்டீல் நிறுவனத்துக்கு இருக்கும் கடன்கள் வேகமாக குறைக்கப்படவில்லை. மற்றொன்று, சீனாவில் ஸ்டீல் விலை குறைந்து வருகிறது. இதனால் சீனாவில் ஸ்டீல் பங்குகள் சரிந்து வருகின்றன. இதன் எதிரொலியாகவும் டாடா ஸ்டீல் பங்கு சரிந்துள்ளது.

Leave a Reply

Your email address will not be published. Required fields are marked *