தாறுமாறான லாபத்தில் எஸ்பிஐ.. ஷேர் விலை ஏற்றம்!

by -64 views

ஹைலைட்ஸ்:

  • எஸ்பிஐ லாபம் உயர்வு
  • எஸ்பிஐ பங்கு விலை ஏற்றம்

எஸ்பிஐ வங்கி இன்று தனது காலாண்டு வருவாய் விவரங்களை வெளியிட்டுள்ளது. இதன்படி, எஸ்பிஐ வங்கியின் வருமானம் ஜூலை-செப்டம்பர் காலகட்டத்தில் கணிசமாக உயர்ந்துள்ளதாக தெரிகிறது. எஸ்பிஐ வங்கியின் லாபம் மட்டுமல்லாமல் வட்டி வருமானமும் கணிசமாக உயர்ந்துள்ளது.

செப்டம்பர் காலாண்டில் எஸ்பிஐ வங்கியின் லாபம் 66.7% உயர்ந்துள்ளது. ஜூலை – செப்டம்பர் காலாண்டில் எஸ்பிஐ வங்கியின் நிகர லாபம் 7,626.6 கோடி ரூபாயாக உயர்ந்துள்ளது. கடந்த ஆண்டு செப்டம்பர் காலாண்டில் எஸ்பிஐ வங்கியின் நிகர லாபம் 4,574.2 கோடி ரூபாய் என்பது குறிப்பிடத்தக்கது.

இதுமட்டுமல்லாமல், எஸ்பிஐ வங்கியின் நிகர வட்டி வருமானம் (NII) 29 விழுக்காடு உயர்ந்துள்ளது. செப்டம்பர் காலாண்டில் எஸ்பிஐ வங்கி 31,183.9 கோடி ரூபாய் நிகர வட்டி வருமானம் ஈட்டியுள்ளது. கடந்த ஆண்டு செப்டம்பர் காலாண்டில் நிகர வட்டி வருமானம் 24,181.5 கோடி ரூபாயாக இருந்தது.

தபால் அலுவலகத்தில் புதிய சேவை.. இனி இதுவும் கிடைக்கும்!
மொத்த வாராக் கடன்களின் (NPA) விகிதம் 5.32 விழுக்காட்டில் இருந்து 4.9 விழுக்காடாக குறைந்துள்ளது. நிகர வாரக் கடன்களின் விகிதம் 1.77 விழுக்காட்டில் இருந்து 1.52 விழுக்காடாக குறைந்துள்ளது. எஸ்பிஐ வங்கியின் வருமான விவரங்கள் வெளியான உடனே எஸ்பிஐ பங்கு விலை 4% உயர்ந்தது.

Leave a Reply

Your email address will not be published. Required fields are marked *