தட்டித் தூக்கிய ரிலையன்ஸ் நிறுவனம்… குஷியில் அம்பானி!

by -25 views

இந்தியாவின் மிகப் பெரிய கோடீஸ்வரரான முகேஷ் அம்பானிக்குச் சொந்தமான நிறுவனம்தான் ரிலையன்ஸ் இண்டஸ்ட்ரீஸ். சந்தை மதிப்பு அடிப்படையில் இந்தியாவின் மிகப் பெரிய நிறுவனமாக ரிலையன்ஸ் இண்டஸ்ட்ரீஸ் திகழ்கிறது. பல்வேறு துறைகளில் ஆதிக்கம் செலுத்தும் ரிலையன்ஸ் இண்டஸ்ட்ரீஸ் தனது காலாண்டு வருவாய் விவரங்களை இன்று வெளியிட்டுள்ளது. எதிர்பார்த்தது போலவே அதிக வருவாய் ஈட்டியுள்ளது அம்பானி நிறுவனம்.

இந்த ஆண்டின் ஜூலை – செப்டம்பர் காலாண்டில் ரிலையன்ஸ் நிறுவனத்தின் லாபம் 46 சதவீதம் உயர்ந்துள்ளது. இக்காலாண்டில் மட்டும் மொத்தம் ரூ.15,479 கோடி லாபம் கிடைத்துள்ளது. ஒட்டுமொத்த நிறுவன வருவாய் 50 சதவீதம் உயர்ந்து ரூ.1.7 லட்சம் கோடியாக இருக்கிறது. செயல்பாட்டு லாபத்தைப் பொறுத்தவரையில் 30 சதவீத வளர்ச்சியுடன் ரூ.30,283 கோடி கிடைத்துள்ளது. இந்திய அளவிலும் சர்வதேச அளவிலும் பொருளாதார வளர்ச்சி மேம்பட்டு இயல்பு நிலை திரும்பியுள்ளதால் இந்த வளர்ச்சி சாத்தியமானதாக முகேஷ் அம்பானி மகிழ்ச்சி தெரிவித்துள்ளார்.

இந்தியாவின் டாப் பணக்காரர்கள்.. முகேஷ் அம்பானி மீண்டும் முதலிடம்!
ரிலையன்ஸ் நிறுவனத்தின் டிஜிட்டல், எண்ணெய் – ரசாயனம், சில்லறை வர்த்தகம் ஆகிய மூன்று பிரிவுகளில் ஏற்பட்ட இமாலய வளர்ச்சியால் நிறுவனத்தின் ஒட்டுமொத்த வருவாய் கணிசமாக உயர்ந்துள்ளது. குறிப்பாக எண்ணெய் – ரசாயனப் பிரிவில் மட்டும் 44 சதவீத வளர்ச்சியுடன் ரூ.12,720 கோடி லாபம் கிடைத்துள்ளது. அதேபோல, டிஜிட்டல் பிரிவில் ரிலையன்ஸ் ஜியோ நெட்வொர்க் அதிரடியான வளர்ச்சியை எட்டி அதிக வாடிக்கையாளர்களையும் அதன் மூலம் அதிக லாபத்தையும் ஈட்டியுள்ளது. டிஜிட்டல் பிரிவில் மட்டும் மொத்தம் ரூ.9,561 கோடி லாபம் கிடைத்துள்ளது.

Leave a Reply

Your email address will not be published. Required fields are marked *