செம வேகத்தில் சென்செக்ஸ்.. டாப் பங்குகளின் லிஸ்ட்!

by -63 views

ஹைலைட்ஸ்:

  • சென்செக்ஸ் 200 புள்ளிகளுக்கு மேல் உயர்வு
  • இன்றைய பங்குச் சந்தை நிலவரம்

இன்று பங்கு வர்த்தகம் தொடங்கியதும் சென்செக்ஸ் 200 புள்ளிகளுக்கு மேல் உயர்ந்தது. சென்செக்ஸில் டிசிஎஸ், மாருதி சுசூகி, பஜாஜ் பைனான்ஸ் ஆகிய பங்குகள் அதிகபட்சமாக முன்னேறியுள்ளன. சர்வதேச மார்க்கெட்டுகள் பாசிட்டிவாக இருப்பதும் சாதகமாக அமைந்துள்ளது.

தேசிய பங்குச் சந்தையில் நிப்டி 73.50 புள்ளிகள் உயர்ந்து 18003.15ஐ தொட்டது. சென்செக்ஸில் அதிகபட்சமாக என்டிபிசி 3 விழுக்காடு உயர்ந்தது. அடுத்தடுத்த இடங்களில் மாருதி சுசூகி, பவர்கிரிட், பஜாஜ் பைனான்ஸ், பஜாஜ் ஃபின்செர், ஹிந்துஸ்தான் யூனிலீவர், டைடன் ஆகிய பங்குகள் உயர்ந்துள்ளன.

சன் பார்மா, இண்டஸ் இண்ட் பேங்க், டெக் மகிந்த்ரா, டாடா ஸ்டீல், கொடாக் பேங்க் ஆகிய பங்குகள் சரிந்துள்ளன. பண்டிகை சீசன், சில்லறை வியாபாரம், ஜிஎஸ்டி வசூல் சாதனை என பல்வேறு காரணிகள் சாதகமாக அமைந்துள்ளதாக நிபுணர்கள் கூறுகின்றனர்.

பல்டி அடித்த கார் விற்பனை: கதி கலங்கிய மாருதி சுஸுகி!
இன்று அமெரிக்க ஃபெடரல் ரிசர்வ் கூட்டம் தொடங்குகிறது. வழக்கமாக ஃபெடரல் ரிசர்வ் கூட்ட முடிவுகளின் தாக்கம் இந்திய சந்தைகள் உள்பட சர்வதேச சந்தைகளிலும் எதிரொலிக்கும். ஆகவே ஃபெடரல் ரிசர்வ் கூட்ட அறிவிப்புகளை எதிர்நோக்கி முதலீட்டாளர்கள் காத்திருக்கின்றனர்.

ஆசிய சந்தைகளை பொறுத்தவரை ஷாங்காய் மற்றும் டோக்யோ பங்குச் சந்தைகள் சரிவை சந்தித்துள்ளன. அமெரிக்க பங்குச் சந்தை பாசிட்டிவாகவே நிறைவடைந்தது.

Leave a Reply

Your email address will not be published. Required fields are marked *