சென்னை மழையில் சிக்கிய கார்களுக்கு உதவி: ஆடி நிறுவனம் அறிவிப்பு!

by -39 views

சென்னையில் கடந்த ஒரு வாரத்துக்கு முன்னர் கனமழை தொடங்கியது. சென்னையின் சாலைகளிலும் வீடுகளிலும் நீர் தேங்கிக் கிடந்தது. தற்போது மழை பாதிப்பு குறைந்திருந்தாலும் இன்னும் நிறைய இடங்களில் நீர் வடியாமல் தேங்கி நிற்கிறது. கார்களும் இருசக்கர வாகனங்களும் தண்ணீரில் ஊறிக் கொண்டிருக்கின்றன. இதனால் வாகன ஓட்டிகளிடையே கவலை உள்ளது. இன்சூரன்ஸ் இருந்தாலும் நீரில் சிக்கிய வாகனங்களை மீட்பதும் அதைச் சரிசெய்வதும் மிகவும் சிரமமான ஒன்றுதான்.

இதுபோன்ற சூழலில் ஆடி இந்தியா நிறுவனம் தனது வாடிக்கையாளர்களுக்கு உதவ முன்வந்துள்ளது. சென்னையில் தொடர்ந்து பெய்து வரும் மழையால் பாதிக்கப்பட்ட அனைத்து வாடிக்கையாளர்களுக்கும் ஆடி இந்தியா நிறுவனம் இலவச சாலையோர உதவி (RSA) சேவையை அறிவித்துள்ளது. இச்சேவை நகரம் முழுவதும் 24×7 என்ற அளவில் செயல்படும் என்று அறிவிக்கப்பட்டுள்ளது.

வாகன உரிமையாளர்கள் 1800 103 6800 அல்லது 1800 209 6800 என்ற எண்களுக்கு அழைத்து இச்சேவையைப் பெறலாம். இந்த வசதியை நவம்பர் 30 வரை வாடிக்கையாளர்கள் பயன்படுத்திக் கொள்ளலாம் என்று அறிவிக்கப்பட்டுள்ளது.

இது குறித்து பேசிய ஆடி இந்தியாவின் தலைவர் பல்பீர் சிங் தில்லான், “இதுபோன்ற கடிமனான சூழ்நிலையில் சென்னை சிக்கித் தவிக்கும் நிலையில், சென்னை நகரத்தில் உள்ள எங்களது வாடிக்கையாளர்களுக்கு உதவ நாங்கள் அனைத்து முயற்சிகளையும் மேற்கொண்டு வருகிறோம். எங்கள் சாலையோர உதவி சேவை வாடிக்கையாளர்களுக்கு பேருதவியாக இருக்கும்” என்றார்.

ஆடி இந்தியா நிறுவனம் புதிய Q5 SUV காரை இந்தியாவில் அறிமுகப்படுத்த தயாராகி வருகிறது. ஆடம்பர எஸ்யூவியின் புதுப்பிக்கப்பட்ட பதிப்பின் விலைகள் நவம்பர் 23 ஆம் தேதி அறிவிக்கப்படும். அதற்கு முன்பாக சென்னை மழை பாதிப்பில் இருக்கும் தங்களது வாடிக்கையாளர்களுக்கு உதவ முன்வந்துள்ளது.

Leave a Reply

Your email address will not be published. Required fields are marked *