கிராம மக்களுக்கான திட்டம்: ரூ.35 லட்சம் கிடைக்கும்!

by -30 views

இந்திய தபால் துறை சார்பாக கிராம் சுரக்‌ஷா யோஜனா என்ற திட்டம் செயல்படுத்தப்பட்டு வருகிறது. இத்திட்டத்தில் ரிஸ்க் இல்லாமல் முதலீடு செய்யலாம். இந்தத் திட்டத்தில் நாமினிக்கு 80 வயது ஆகும்போதோ அல்லது உயிரிழப்பின்போதோ போனஸ் தொகையுடன் மெச்சூரிட்டி தொகையும் கிடைக்கும். 19 வயது முதல் 55 வயது வரை உள்ள எந்தவொரு இந்தியக் குடிமகனும் இந்தக் காப்பீட்டுத் திட்டத்தில் இணையலாம்.

இந்தத் திட்டத்தின் கீழ் குறைந்தபட்ச காப்பீட்டுத் தொகையாக ரூ.10,000 முதல் ரூ.10 லட்சம் வரை முதலீடு செய்யலாம். இதற்கான பிரீமியம் தொகையை மாதந்தோறும், காலாண்டு, அரையாண்டு அல்லது ஆண்டுதோறும் செலுத்தலாம். இந்தத் திட்டத்தின் கீழ், பிரீமியத்தைச் செலுத்த வாடிக்கையாளருக்கு 30 நாட்கள் அவகாசம் வழங்கப்படுகிறது. பாலிசி காலத்தின் போது பிரீமியம் செலுத்தத் தவறினால் பாலிசியை புதுப்பிக்க நிலுவையில் உள்ள பிரீமியம் தொகை முழுவதையும் செலுத்த வேண்டும்.

ஹெல்மெட் வாங்கினால் இன்சூரன்ஸ்… ஐசிஐசிஐ சூப்பர் திட்டம்!
இத்திட்டத்தின் சிறப்பம்சம் என்னவென்றால், இந்த காப்பீட்டுத் திட்டம் பாலிசி வாங்கிய நான்கு ஆண்டுகளுக்குப் பிறகு கடன் பெறும் வசதியும் உள்ளது. மேலும் வாடிக்கையாளர் பாலிசியை 3 ஆண்டுகளுக்குப் பிறகு சரண்டர் செய்யும் வசதியும் உள்ளது. இந்த பாலிசியின் மிகப்பெரிய சலுகையே போஸ்ட் ஆபீஸ் வழங்கும் போனஸ் தொகை ஆகும். கடைசியாக வெளியாகிய அறிவிப்பின்படி, ஆண்டுக்கு 1,000 ரூபாய்க்கு ரூ.65 என போனஸ் கிடைக்கும்.

இத்திட்டத்தின் கீழ் ரூ.10 லட்சத்துக்கான பாலிசியை நீங்கள் 19 வயதில் எடுத்தால் ஒவ்வொரு மாதமும் நீங்கள் ரூ.1,515 பிரீமியம் செலுத்த வேண்டும். அப்போது உங்களுக்கு 55 ஆண்டுகளில் ரூ.31.60 லட்சம் செட்டில்மெண்ட் கிடைக்கும். 58 ஆண்டுகளுக்கு ரூ.1,463 பிரீமியம் செலுத்தினால் ரூ.33.40 லட்சமும், 60 ஆண்டுகளுக்கு ரூ.1,411 பிரீமியம் செலுத்தினால் ரூ.34.60 லட்சமும் கிடைக்கும்.

Leave a Reply

Your email address will not be published. Required fields are marked *