கார் வாங்க ஆசையா? கம்மி வட்டியில் கடன் கிடைக்கும்!

by -37 views

இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியா தனது வாடிக்கையாளர்களுக்கு பல்வேறு சலுகைகளை தொடர்ந்து அறிவித்து வருகிறது. அதன்படி, வாகனக் கடன் பெறுவோருக்கு சிறப்புச் சலுகை அறிவிக்கப்பட்டுள்ளது. ஆண்டுக்கு 7.75 சதவீத வட்டியில் வாடிக்கையாளர்கள் கார் கடன் வாங்கலாம். இதுமட்டுமல்லாமல், ஈஎம்ஐ, குறைந்த பேப்பர் வொர்க், உடனடி கடன் போன்ற பல சலுகைகளும் இதனுடன் கிடைக்கின்றன.

இத்திட்டத்தின் கீழ் கடன் வாங்குபவர்கள் 7 ஆண்டுகள் வரை கடனைத் திருப்பிச் செலுத்த அவகாசம் வழங்கப்படுகிறது. செயல்பாட்டுக் கட்டணமும் ரத்து செய்யப்பட்டுள்ளது. காருக்கான சந்தை விலையில் 90 சதவீதம் வரையில் கடனாகக் கிடைக்கும். எஸ்பிஐ யோனோ ஆப் மூலமாக கடனுக்கு விண்ணப்பித்தால் 0.25 சதவீத சலுகை கிடைக்கும். அதாவது 7.50 சதவீத வட்டியில் கடன் பெறலாம்.

எஸ்பிஐ கார் லோனுக்கு ஆன்லைன் மூலமாக விண்ணப்பிப்பதற்கு https://onlineapply.sbi.co.in/personal-banking/auto-loan?se=Product&cp=SBICOIN&ag=General என்ற இணைப்பில் செல்லலாம்.

அதில் சென்று வாடிக்கையாளரின் விவரங்களைப் பூர்த்தி செய்ய வேண்டும். வங்கி தரப்பிலிருந்து வாடிக்கையாளர் விவரங்கள் சரிபார்க்கப்பட்டு கடன் உடனடியாக வழங்கப்படும்.

யோனோ ஆப் மூலமாக விண்ணப்பிப்பதற்கு மெயின் பேஜில் உள்ள லோன் செக்சனில் சென்று கார் லோன் என்பதைத் தேர்ந்தெடுத்து அதில் தேவையான விவரங்களைப் பூர்த்தி செய்து விண்ணப்பிக்க வேண்டும்.

Leave a Reply

Your email address will not be published. Required fields are marked *