கசிந்த தகவல்கள்.. பஞ்சாப் நேஷனல் வங்கி வாடிக்கையாளர்களுக்கு இப்படியொரு அதிர்ச்சி!

by -46 views
கசிந்த தகவல்கள்.. பஞ்சாப் நேஷனல் வங்கி வாடிக்கையாளர்களுக்கு இப்படியொரு அதிர்ச்சி!
கசிந்த தகவல்கள்.. பஞ்சாப் நேஷனல் வங்கி வாடிக்கையாளர்களுக்கு இப்படியொரு அதிர்ச்சி!

சைபர் குற்றவாளிகள் தொடர்ந்து பல்வேறு பெருநிறுவனங்கள், இணையதளங்களை தாக்கி வருகின்றனர். இந்த வரிசையில், இந்தியாவின் இரண்டாவது மிகப்பெரிய பொதுத்துறை வங்கியான பஞ்சாப் நேஷனல் வங்கியை சைபர் குற்றவாளிகள் தாக்கியுள்ளதாக தகவல் வெளியாகியுள்ளது.

CyberX9 என்ற சைபர் பாதுகாப்பு நிறுவனம் வெளியிட்டுள்ள தகவல்படி, பஞ்சாப் நேஷனல் வங்கியின் வாடிக்கையாளர்கள் தொடர்பான தகவல்கள் கசிந்துள்ளதாக தெரிகிறது. அதாவது, பஞ்சாப் நேஷனல் வங்கியின் இணையதளம் பாதுகாப்பு குறைவாக இருப்பதாக இந்த ரிப்போர்ட் கூறுகிறது.

இதன் விளைவாக பஞ்சாப் நேஷனல் வங்கியின் 18 கோடி வாடிக்கையாளர்கள் குறித்த தனிநபர் தகவல்கள் மற்றும் நிதி தகவல்கள் சைபர் குற்றவாளிகள் தெரிந்துகொள்ளும் வகையில் இருந்துள்ளதாக CyberX9 வெளியிட்டுள்ள ரிப்போர்ட் கூறுகிறது.

போஸ்ட் ஆபீஸ் மாத வருமான திட்டம்.. ரிஸ்க் இல்லாத வருமானம்!
வாடிக்கையாளர்கள் தொடர்பான தகவல்கள் தொடர்ந்து ஏழு மாதங்களுக்கு சைபர் குற்றவாளிகள் பார்ப்பதற்கு ஏதுவாக இருந்துள்ளதாக இந்த ரிப்போர்ட் கூறுகிறது. இதனால், பஞ்சாப் நேஷனல் வங்கியின் ஆன்லைன் வங்கி தளத்தின் பாதுகாப்பு குறித்து வல்லுநர்கள் கேள்வியெழுப்பியுள்ளனர்.

பஞ்சாப் நேஷனல் வங்கியின் சர்வர்களில் கோளாறுகள் இருந்துள்ளதாக வங்கி நிர்வாகமும் உறுதிப்படுத்தியுள்ளது. ஆனால், வாடிக்கையாளர்களின் தகவல்கள் கசிந்ததாக வெளியான தகவலை பஞ்சாப் நேஷனல் வங்கி ஏற்க மறுத்துவிட்டது.

Leave a Reply

Your email address will not be published. Required fields are marked *