ஒரே நாளில் கோடீஸ்வரர்.. ஊழியர்களுக்கு அடித்த ஜாக்பாட்!

by -44 views

ஹைலைட்ஸ்:

  • ஓவர்நைட்டில் அடித்த அதிஷ்டம்
  • கோடீஸ்வரரான 500 ஊழியர்கள்

சென்னையை தலைமையிடமாக கொண்டு இயங்கும் நிறுவனம் ஃப்ரஷ்வொர்க்ஸ் (Freshworks). அமெரிக்காவில் உள்ள முன்னணி பங்குச் சந்தையான நாஸ்டாக்கில் (Nasdaq) ஃப்ரஷ்வொர்க்ஸ் நிறுவனம் பட்டியலிடப்பட்டுள்ளது.

நாஸ்டாக்கில் பட்டியலிடப்பட்டபோது ஃப்ரஷ்வொர்க்ஸ் நிறுவனத்தின் ஒரு பங்கு விலை 36 டாலர். ஐபிஓ தொடங்கியதும் பங்கு விலை கிடுகிடுவென 21% உயர்ந்தது. அதிகபட்சமாக செப்டம்பர் 22ஆம் தேதி ஒரு பங்கு விலை 48.75 டாலராக உயர்ந்தது.

மொத்தம் 2.85 கோடி பங்குகளை ஃப்ரஷ்வொர்க்ஸ் நிறுவனம் விற்றுள்ளது. இதனால் ஃப்ரஷ்வொர்க்ஸ் நிறுவனத்தின் நூற்றுக்கணக்கான ஊழியர்கள் கோடீஸ்வரர்களாகிவிட்டதாக அந்நிறுவனத்தின் சார்பில் தெரிவிக்கப்பட்டுள்ளது.

முதலீடு செய்யும்போது இந்த தப்பை மட்டும் பண்ணாதிங்க!
ஃப்ரஷ்வொர்க்ஸ் நிறுவனத்தின் IPO மூலம் அதன் 500க்கும் மேற்பட்ட ஊழியர்கள் கோடீஸ்வரர்களாகிவிட்டதாக அந்நிறுவனத்தின் துணை நிறுவனரும், தலைமை செயலதிகாரியுமான கிரிஷ் மாத்ருபூதம் தெரிவித்துள்ளார்.

இந்த 500 ஊழியர்களில் 70 பேர் 30 வயதுக்குட்பட்டவர்கள் ஆவர். யாரும் எதிர்பார்க்காத வகையில் நூற்றுக்கணக்கான ஊழியர்கள் கோடிக்கணக்கில் வருமானம் ஈட்டியிருப்பது ஊழியர்களுக்கும், அவர்களது குடும்பத்தினருக்கும் மகிழ்ச்சி செய்தியாக வெளிவந்துள்ளது.

Leave a Reply

Your email address will not be published. Required fields are marked *