ஒரு ரூபாய் இருந்தா போதும்! தங்கம் உங்களுக்கு சொந்தம்!

by -58 views

தங்கம் என்பது இந்தியர்களிடையே எப்போது மதிப்பும் அந்தஸ்தும் இருக்கும் பொருளாக இருந்து வருகிறது. சிலர் தங்கம் வைத்திருப்பதையே கௌரவமாக நினைப்பார்கள். அதை விட மிக முக்கியமான விஷயம் என்னவென்றால் தங்கம் மிக சிறந்த முதலீட்டுப் பொருளாகும். முதலீடு செய்பவர்கள் அதில் 15 சதவீதத்தை தங்கத்துக்கு ஒதுக்குமாறு வல்லுநர்கள் கூறுகின்றனர். அந்த அளவுக்கு அதிக லாபம் தரும் முதலீட்டுப் பொருளாகத் தங்கம் உள்ளது.

அதெல்லாம் சரிதான்! ஆனால் தங்கம் விற்கும் விலைக்கு அதை வாங்கி சேமித்து வைக்க முடியுமா? தங்கம் விலை நாளுக்கு நாள் அதிகரித்துக் கொண்டே செல்கிறது. ஆனால் தங்கத்தை வாங்குவதற்கு உங்களிடம் வெறும் ஒரு ரூபாய் இருந்தாலே போதும். தங்கம் உங்களுக்கு சொந்தம்.

இது டிஜிட்டல் தங்கம். மொபைல் ஆப் மூலமாகவே வாங்கலாம். கூகுள் பே, போன் பே, பேடிஎம் போன்ற ஆப்களில் இந்த வசதி உள்ளது. ஹெச்டிஎஃப்சி பேங்க் செக்யூரிட்டீஸ், மோதிலால் ஓஸ்வால் ஆகியவற்றிலும் நீங்கள் டிஜிட்டல் தங்கம் வாங்கலாம்.

உதாரணமாக, நீங்கள் கூகுள் பே வைத்திருந்தால் அதில் கீழ் பக்கம் தங்கம் படம் போட்டிருக்கும். அதை கிளிக் செய்து உள்ளே சென்றால் தங்கம் வாங்கும் வசதி இருக்கும். தங்கத்தின் தற்போதைய விலை, நீங்கள் வாங்க நினைக்கும் பணத்துக்கு எவ்வளவு தங்கம் கிடைக்கும் போன்ற விவரங்களையும் நீங்கள் அதில் பார்க்கலாம்.

Gold Rate: நகை வாங்க முடியாது… எட்டாத உயரத்தில் விலை!

ஒரு ரூபாய், 10 ரூபாய், 100 ரூபாய் என கொஞ்சம் கொஞ்சமாக நீங்கள் தங்கம் வாங்கி சேமித்து வைக்கலாம். உங்களுக்குத் தேவைப்படும் போது சேமித்து வைத்த தங்கத்தை அதிலேயே நீங்கள் விற்றுவிடலாம். தங்கத்தின் விலை குறைவாக இருக்கும்போது வாங்குவதும், விலை அதிகரிக்கும்போது விற்பனை செய்வதும் சிறந்தது. நீங்கள் விற்பனை செய்யும் நேரத்தில் உங்களுக்கு எவ்வளவு தொகை கிடைக்கும் என்பதையும் நீங்கள் முன்கூட்டியே பார்க்கலாம்.

தங்கத்தை விற்பனை செய்வதற்குப் பதிலாக அதன் மதிப்புக்கு தங்க நாணயத்தையும் நீங்கள் வாங்கிக் கொள்ளலாம். அந்த ஆப்பிலேயே நீங்கள் ஆர்டர் செய்தால் வீடு தேடிவரும். சமீப காலங்களில் நிறையப் பேர் டிஜிட்டல் தங்கத்தில் முதலீடு செய்து வருகின்றனர்.

Leave a Reply

Your email address will not be published. Required fields are marked *