ஐபோன் பிரியர்களுக்கு கெட்ட செய்தி… காணாமல் போகும் ஐபோன் 13!

by -21 views

ஆப்பிள் ஐபோன்கள் இந்தியர்களிடையே அதிக மதிப்பைப் பெற்ற போன்களாகும். அவற்றின் விலை அதிகமாக இருப்பதால் பெரும்பாலானோர் அதை வாங்க முடிவதில்லை. ஆனால் பண்டிகை சீசன் சமயத்தில் ஐபோன்களின் விலை குறைக்கப்பட்டு தள்ளுபடி விலையில் விற்பனை செய்யப்படும். இதற்காகவே காத்திருந்து பண்டிகை சீசன் சமயங்களில் ஐபோன் வாங்குபவர்கள் ஏராளம். ஆனால் இந்த ஆண்டின் பண்டிகை சீசனில் ஐபோன் பிரியர்களுக்கு கவலை தரும் செய்தி காத்திருக்கிறது. பண்டிகை சீசன் வந்துவிட்ட நிலையில், ஐபோன் 13 மாடலுக்கு தட்டுப்பாடு ஏற்பட்டுள்ளது.

ஆப்பிள் நிறுவனம் தனது ஐபோன் 13 மாடல் உற்பத்தியைக் குறைக்க முடிவு செய்துள்ளது. 10 மில்லியன் ஐபோன்கள் குறைவான அளவிலேயே இனி உற்பத்தி செய்யப்படும். இந்த ஆண்டில் மட்டும் மொத்தம் 90 மில்லியன் ஐபோன் 13 மாடலை உற்பத்தி செய்ய ஆப்பிள் நிறுவனம் இலக்கு நிர்ணயம் செய்திருந்தது. ஆனால் சர்வதேச அளவில் சிப்செட் உதிரிபாகத்துக்கு தட்டுப்பாடு நிலவுவதால் ஐபோன் உற்பத்தியிலும் பின்னடைவு ஏற்பட்டுள்ளது. ஐபோன்கள் மட்டுமல்லாமல் மற்ற ஸ்மார்ட்போன்கள் விற்பனையும் சிப்செட் பற்றாக்குறையால் பின்னடைவைச் சந்தித்துள்ளது.

இவ்ளோ கம்மி விலைக்கு ஐபோன் கிடைக்குதா? சூப்பர் ஆஃபர்!
சீனாவில் மின்சாரத் தட்டுப்பாடு நிலவுவதால் அங்குள்ள ஸ்மார்ட்போன் உற்பத்தி ஆலைகளை மூடும் சூழல் ஏற்பட்டுள்ளது. இதனால் ஸ்மார்ட்போன் விற்பனையிலும் பாதிப்பு ஏற்பட வாய்ப்புள்ளது. பண்டிகை சீசன் சமயத்தில் இந்த இக்கட்டான சூழல் ஏற்பட்டுள்ளதால் ஸ்மார்ட்போன் வாங்கும் வாடிக்கையாளர்களுக்கும் இந்த பண்டிகை சீசன் ஏமாற்றமாகவே இருக்கும் என்று கருதப்படுகிறது. ஆப்பிள் நிறுவனத்தைப் பொறுத்தவரையில் ஐபோன் 13 சீரீஸ் செப்டம்பர் மாதத்தில்தான் அறிமுகம் செய்யப்பட்டது. ஐபோன் 13, ஐபோன் 13 மினி, ஐபோன் 13 புரோ, ஐபோன் 13 புரோ மேக்ஸ் போன்ற மாடல்கள் அறிமுகம் செய்யப்பட்டிருந்தன.

Leave a Reply

Your email address will not be published. Required fields are marked *