ஏற்றுமதியில் சம்பவம் செய்த இந்தியா.. முதல் முறையாக சாதனை!

by -41 views

ஹைலைட்ஸ்:

  • செப்டம்பர் காலாண்டில் 100 பில்லியன் டாலர்
  • முதல்முறையாக இந்தியா செய்த சாதனை

கடந்த ஜூலை – செப்டம்பர் காலாண்டில் இந்தியாவின் ஏற்றுமதி மதிப்பு வரலாற்றில் முதல்முறையாக 100 பில்லியன் டாலர் மதிப்பை தாண்டியுள்ளதாக மத்திய அரசு தெரிவித்துள்ளது.

செப்டம்பர் காலாண்டில் 101.89 பில்லியன் டாலருக்கு ஏற்றுமதி நடந்துள்ளதாக மத்திய வர்த்தக மற்றும் தொழில்துறை அமைச்சகம் தெரிவித்துள்ளது. அரசு வெளியிட்டுள்ள தகவல்படி, கடந்த ஜூலை மாதத்தில் 35.17 பில்லியன் டாலருக்கும், ஆகஸ்ட் மாதத்தில் 33.28 பில்லியன் டாலருக்கும், செப்டம்பர் மாதத்தில் 33.44 பில்லியன் டாலருக்கும் ஏற்றுமதி நடந்துள்ளது.

2021-22ஆம் நிதியாண்டின் முதல் அரையாண்டில் இந்தியாவின் ஏற்றுமதி 197 பில்லியன் டாலராக இருந்துள்ளது. இந்த ஆண்டில் 400 பில்லியன் டாலர் ஏற்றுமதியை எட்டுவது சாத்தியம் என்று மத்திய அரசு வெளியிட்டுள்ள அறிக்கையில் தெரிவித்துள்ளது.

Fixed Deposit வட்டி உயர்வு.. புதிய ரேட் இதுதான்!
ஏப்ரல் – செப்டம்பர் காலத்தில் பெட்ரோலியம் சாராத ஏற்றுமதியின் மொத்த மதிப்பு 169.13 பில்லியன் டாலர். கடந்த ஆண்டுடன் ஒப்பிடுகையில் இது 48.87 விழுக்காடு உயர்வாகும். பெட்ரோலியம் சாராத மற்றும் நகைகள், ரத்தினக் கற்கள் சாராத ஏற்றுமதி செப்டம்பர் மாதம் 25.29 பில்லியன் டாலராக இருந்துள்ளது.

Leave a Reply

Your email address will not be published. Required fields are marked *