ஏறி இறங்கும் தங்கம் விலை!

by -29 views

தங்கம் வாங்க நினைப்பவர்கள் அதை வாங்கவே வேண்டாம் என்று யோசிக்கும் அளவுக்கு சென்னையில் தங்கம் விலை தொடர்ந்து உயர்த்தப்பட்டு வருகிறது. கடந்த ஒரு வாரமாகவே தங்கம் விலை தொடர்ந்து உயர்த்தப்பட்டு வந்த நிலையில் இன்று காலையில்தான் சற்று குறைந்திருந்தது. இந்நிலையில் தற்போது மாலை நேரத்தில் விலை உயர்ந்து அதிர்ச்சியை ஏற்படுத்தியுள்ளது.

சென்னையில் இன்று (அக்டோபர் 11) காலையில் ஒரு கிராம் (22 கேரட்) ஆபரணத் தங்கத்தின் விலை ரூ.4,419 ஆக இருந்தது. மாலையில் அது மேலும் உயர்ந்து 4,426 ரூபாய்க்கு வந்துள்ளது. அதேபோல, காலையில் 35,352 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் மாலையில் 56 ரூபாய் உயர்ந்து 35,408 ரூபாய்க்கு விற்பனையாகிறது.

முதியோர்களுக்கான சிறந்த திட்டம்! கடைசிக் காலத்தில் உதவும்!
தூய தங்கத்தின் விலையும் தற்போது உயர்த்தப்பட்டுள்ளது. இன்று காலை 4,783 ரூபாய்க்கு விற்பனை செய்யப்பட்ட ஒரு கிராம் தூய தங்கம் மாலையில் 4,790 ரூபாயாக உயர்ந்துள்ளது. அதேபோல, காலையில் 38,264 ரூபாய்க்கு விற்பனை செய்யப்பட்ட 8 கிராம் தூய தங்கம் மாலையில் 56 ரூபாய் உயர்ந்து 38,320 ரூபாய்க்கு விற்பனையாகிறது.

வெள்ளி விலை சற்று குறைந்துள்ளது. சென்னையில் ஒரு கிராம் வெள்ளி விலை இன்று காலை ரூ.65.80 ஆக இருந்தது. மாலையில் அது ரூ.65.60 ஆகக் குறைந்துள்ளது. ஒரு கிலோ வெள்ளி 65,600 ரூபாய்க்கு விற்பனை செய்யப்படுகிறது.

Leave a Reply

Your email address will not be published. Required fields are marked *