ஏர் இந்தியாவை வாங்கும் டாடா.. மத்திய அரசு கிரீன் சிக்னல்!

by -29 views

ஹைலைட்ஸ்:

  • டாடாவிடம் ஏர் இந்தியா விற்பனை
  • பச்சைக் கொடி காட்டிய மத்திய அரசு

பல்லாயிரம் கோடி ரூபாய் கடனில் மூழ்கியுள்ள ஏர் இந்தியா நிறுவனத்தை விற்பனை செய்ய அரசு தீவிரமாக முயற்சித்து வந்தது. ஏர் இந்தியாவை பல்வேறு நிறுவனங்கள் விலை கேட்டன. கடைசி நேரத்தில் டாடா நிறுவனமும் ஏர் இந்தியாவை வாங்க நடவடிக்கை மேற்கொண்டது.

இந்நிலையில், ஏலத்தில் டாடா சன்ஸ் நிறுவனம் வெற்றிபெற்றுள்ளதாக தகவல் வெளியாகியுள்ளது. எனவே, ஏர் இந்தியா நிறுவனத்தை டாடா சன்ஸ் நிறுவனத்திடம் விற்பனை செய்ய மத்திய அரசு முடிவு செய்துள்ளதாக தகவல் வெளியாகியுள்ளது.

டாடா சன்ஸ் நிறுவனத்திடம் ஏர் இந்தியாவை விற்பனை செய்யலாம் என அதிகாரிகள் வழங்கிய பரிந்துரையை அமைச்சர்கள் குழுவும் ஏற்றுக்கொண்டுள்ளதாக தகவல் வெளியாகியுள்ளது. இதுகுறித்து டாடா சன்ஸ் நிறுவனம் எந்த அறிவிப்பும் இன்னும் வெளியிடவில்லை.

சிறு சேமிப்புத் திட்டங்களுக்கு வட்டி.. அரசின் புதிய அப்டேட்!
மேலும், மத்திய நிதியமைச்சகமும் இதுகுறித்து அறிவிப்பு ஏதும் வெளியிடவில்லை. அதேபோல ஏர் இந்தியா நிறுவனத்தின் தரபிலும் எந்த தகவலும் இல்லை. எனினும், டாடா சன்ஸ் நிறுவனத்திடம் ஏர் இந்தியாவை விற்பனை செய்ய அரசு முடிவு செய்துள்ளதாக தகவல் கசிந்துள்ளது.

ஏர் இந்தியா நிறுவனத்தை ஒவ்வொரு நாளும் இயக்குவதற்கு அரசுக்கு சுமார் 20 கோடி ரூபாய் இழப்பு ஏற்படுகிறது. இந்நிலையில், ஏர் இந்தியாவை விற்பனை செய்ய கடந்த மூன்று ஆண்டுகளாக அரசு முயற்சித்து வந்தது. தற்போது டாடா சன்ஸ் நிறுவனத்திடமே விற்பனை செய்ய அரசு முடிவு செய்துள்ளதாக தகவல் வெளியாகியுள்ளது.

Leave a Reply

Your email address will not be published. Required fields are marked *